Byłoha kiraŭnika Kamiteta nacbiaśpieki Kazachstana zapadozryli ŭ sprobie hvałtoŭnaha zachopu ŭłady
Były kiraŭnik Kamiteta nacyjanalnaj biaśpieki (KNB) Kazachstana Karym Masimaŭ, jakoha padčas masavych pratestaŭ abvinavacili ŭ dziaržaŭnaj zdradzie, dadatkova staŭ fihurantam kryminalnaj spravy ab sprobie hvałtoŭnaha zachopu ŭłady.
![](http://nnexpictures.fra1.digitaloceanspaces.com/img/w732d4webp1/photos/z_2022_01/m220108-6wm84.jpg.webp)
«Pačatyja dasudovyja rasśledavańni pa faktach dziejańniaŭ, nakiravanych na hvałtoŭny zachop ułady, i pieravyšeńnia słužbovych paŭnamoctvaŭ», — skazana ŭ paviedamleńni kamiteta.
Akramia Masimava, u hetych złačynstvach padazrajuć dyrektara słužby śpiecpryznačeńnia «A» (śpiecnaza KNB) Anuara Sadykułava i namieśnika kiraŭnika KNB Daŭleta Jarhažyna. Jany zatrymanyja.
6 studzienia ŭ dačynieńni da Masimava pačali rasśledavańnie pa spravie ab dziaržaŭnaj zdradzie, što praduhledžvaje da 15 hadoŭ kałonii z pazbaŭleńniem hramadzianstva. 11 studzienia Masimava źmiaścili pad vartu.
Karym Masimaŭ u roznyja hady ŭznačalvaŭ urad Kazachstana, kiravaŭ administracyjaj prezidenta i pracavaŭ na pasadzie pamočnika prezidenta. U 2016 hodzie jon staŭ staršynioj Kamiteta nacbiaśpieki.
Źmiaściŭ Nazarbajeva i staŭ sapraŭdnym lidaram Kazachstana. Što ekśpierty pa Siaredniaj Azii kažuć ab pratestach u Kazachstanie
-
Vyjšaŭ na volu hrodzienski biznesmien, jaki ŭ 2020-m paskardziŭsia na siłavikoŭ
-
Dziaŭčynu ŭ Homieli ledź nie źbili na piešachodnym pierachodzie, ale jana niby i nie zaŭvažyła VIDEA
-
«Hibryd zazdraŭnaha malebnu i zaŭpakojnaj licii». Da 3 lipienia BPC skłała słužbu, supiarečnuju kanonam i zdarovamu sensu
Kamientary