Litoŭcy ciapier buduć vazić hruzy čyhunkaj praz Polšču ci Łatviju abo praź Biełaruś furami
Reahujučy na siońniašnija dziejańni Biełarusi ź pierakryćciom z 7 lutaha pieravozki hruzaŭ ź Litvy čyhunačnym transpartam, niekatoryja vytvorcy krainy ŭžo šukajuć novyja maršruty praz Polšču, kaža prezident Litoŭskaj asacyjacyi marskich pahruzačnych kampanij Vajdotas Šylejka. Pa jaho słovach, litoŭskija pieravozčyki mahli b pieravozić hruzy furami abo pa čyhuncy praz Łatviju ci Polšču, piša delfi.lt.
Kampanija «Litoŭskija čyhunki» raniej paviedamlała, što biez uliku pustych vahonaŭ z-pad kalijnych uhnajeńniaŭ, jakija viartajucca ŭ Biełaruś, u siarednim ź Litvy ŭ Biełaruś z 1 lutaha jedzie kala 18 ciahnikoŭ u dzień. Ź ich u lutym prykładna 30% (5—6) sastavaŭ zahružajucca na litoŭskich stancyjach, a vialikaja ich častka idzie ŭ Biełaruś, Rasiju dy Ukrainu.
Jak paviedamlaje kampanija, sfarmavanymi ŭ Litvie sastavami pieravoziacca pieravažna naftapradukty, uhnajeńni i čornyja mietały.
Jak ciapier buduć vazić hetyja hruzy?
«Adzin z maršrutaŭ — pieravieści častku hruzaŭ z čyhunki na aŭtatranspart i pieravozić ich u abjezd Biełarusi ci, kali nie budzie pierakryty tranzit aŭtatranspartam, to pierasiakać Biełaruś aŭtatranspartam. Inšaje rašeńnie — abjazdžać Biełaruś i sprabavać vieźci hruzy pa čyhuncy praz Łatviju. Adnak uźnikajuć sumnievy, ci budzie zabiaśpiečanaja dastatkovaja prapusknaja zdolnaść tranzitnych hruzaŭ pa hetym maršrucie. Jašče adna alternatyva — pieravozka hruzaŭ praz Polšču, jakuju vyprabavali niekatoryja litoŭskija vytvorcy»,
— skazaŭ Vajdotas Šylejka ŭ kamientary dla ŚMI.
Šylejka kaža, što z-za spynieńnia tranzitu praź Biełaruś mohuć pačacca pieraboi ź pieravozkaj hruzaŭ u 2-3 młn ton ci navat bolš z Kłajpiedskaha porta. Łancužki pastavak padaražejuć, tamu naturalna, što ŭładalniki hruzaŭ stanuć dumać, ci abirać Kłajpiedski port dla ich transpartavańnia ŭvohule.
Čytajcie taksama:
Bolš jak na 1 młrd dalaraŭ štohod. Biełaruś uvodzić zabaronu na čyhunačny tranzit ź Litvy naftapraduktaŭ i inšych hruzaŭ
Łandśbierhis pra pahrozy Łukašenki Litvie: Treba pryznać, spadaru Alaksandru vynachodlivaści nie zajmać
Łukašenka daručyŭ pryniać miery suprać Litvy ŭ vypadku admovy ad tranzitu hruzaŭ ź Biełarusi
Hałoŭčanka anansavaŭ «žorstkija miery» ŭ dačynieńni da Litvy
U paniadziełak praź Litvu prajšli apošnija ciahniki z hruzam «Biełaruśkalija»
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?2
Kamientary