Navukoŭcy ličać, što ŭ nas jašče napieradzie adkryćcio 9 tysiač novych vidaŭ dreŭ
Navukoŭcy vyznačyli, što na Ziamli isnuje značna bolš vidaŭ dreŭ, čym viadoma navucy. Miarkujučy pa dadzienych apošniaha daśledavańnia, razam z zarehistravanymi bolš čym 70 tys. raznavidnaściaŭ dreŭ jość jašče kala 9 tysiač, jakija naležyć tolki adkryć, piša Bi-bi-si.
U daśledavańni, vyniki jakoha apublikavanyja ŭ časopisie Proceedings of the National Academy of Sciences, prymali ŭdzieł bolš za 140 navukoŭcaŭ z mnohich krain śvietu. Doktar Jadvinder Małchi z Oksfardskaha ŭniviersiteta kaža, što
najbolš uvahi treba nadavać trapičnym lasam, pakolki jany źjaŭlajucca «suśvietnymi skarbnicami bijaraznastajnaści», jakija pahłynajuć značnuju častku vykidaŭ vuhlakisłaha hazu i tym samym zapavolvajuć hłabalnaje paciapleńnie.
«Hetaje daśledavańnie pakazvaje, što trapičnyja lasy adroźnivajucca navat bolšaj raznastajnaściu dreŭ, čym my mahli sabie ŭjavić», — adznačaje jon.
Daśledavańnie zasnavana na vyvučeńni źviestak ab dziasiatkach miljonaŭ dreŭ, jakija rastuć na bolš čym 100 tys. lasnych učastkaŭ pa ŭsim śviecie.
Kab zrazumieć, kolki vidaŭ dreŭ jašče nie adkryta, navukoŭcy vykarystoŭvali statystyčnyja mietady. Aŭtary daśledavańnia nazyvajuć svaje vysnovy pieršaj navukova dakładnaj acenkaj kolkaści nieviadomych dreŭ. Pavodle hetych źviestak, u śviecie isnuje na 14% bolš vidaŭ dreŭ, čym ličyłasia raniej.
Kantynient z najbolšaj kolkaściu nieviadomych dreŭ — Paŭdniovaja Amieryka. Na jaho prypadaje kala 43% ad 9 tys. novych vidaŭ. Za joj iduć: Jeŭrazija (22%), Afryka (16%), Paŭnočnaja Amieryka (15%) i Akijanija (11%).
Isnavańnie raznastajnych niečapanych lasoŭ vielmi važna dla čałavieka i suśvietnaj ekanomiki. Pieravažnaja bolšaść takich lasoŭ na Ziamli znachodzicca ŭ trapičnych krainach, adnak tam jany apynulisia pad pahrozaj pa niekalkich pryčynach:
- vyroščvańnie inhredyjentaŭ ježy, spažyvanaj na Zachadzie. U ich liku — miasa, palmavy alej i soja (apošnija dva taksama vykarystoŭvajucca dla karmleńnia žyvioły);
- źmieny klimatu;
- pažary.
Čytajcie taksama:
U Kamierunie znajšli novaje dreva i nazvali jaho ŭ honar Leanarda Dzi Kaprya
Raniej zabytaja raślina znoŭ pad uvahaj: jana moža vyratavać budučyniu kavy
U tropikach drevy navučylisia pahłynać taksičnyja mietały, jany mohuć ačyščać hlebu
Pašpart Novaj Biełarusi pačnuć vydavać z 26 studzienia. Što viadoma i jak atrymać?9
Kamientary