Va Ukrainie prysutničajuć bolš za 64 amierykanskija daradcy, jakija «dyktujuć» uładam krainy, jakija prymać rašeńni i jak farmiravać Uzbrojenyja siły dziaržavy, zaŭvažyŭ pry hetym kiraŭnik Rady biaśpieki Biełarusi Alaksandr Valfovič.
Pra heta zajaviŭ dziaržaŭny sakratar Rady biaśpieki Biełarusi Alaksandr Valfovič u intervju u telekanału ANT, paviedamlaje RBK.
Valfovič raspavioŭ, što va Ukrainie «padšturchoŭvajuć, raskalvajuć abstanoŭku» i zajaŭlajuć pra ŭvarvańnie Rasii, u tym liku — z terytoryi Biełarusi.
«Nibyta Rasija źbirajecca napaści na Ukrainu, što, na moj pohlad, siońnia niemetazhodna i małaimavierna», — skazaŭ jon.
Valfovič nazvaŭ infarmacyju pra ahresiju Rasii fejkami i čutkami, jakija tolki «padahravajuć abstanoŭku».
Pavodle jahonych źviestak, heta źviazana z tym, što ŭkrainskaje Ministerstva abarony kansultujuć 5—6 vajskovych daradcaŭ z ZŠA, jakija zajmajucca stratehičnymi pytańniami. «A na apieratyŭnym uzroŭni — bolš za 64 takich daradcaŭ. Vidavočna, amierykanskija daradcy dyktujuć jak žyć, jak budavać svaje Uzbrojenyja siły, čym zajmacca i što rabić», — skazaŭ jon.
Čytajcie taksama:
Kancler Niamieččyny: U vypadku ahresii suprać Ukrainy Rasiju čakajuć vielmi žorstkija sankcyi
Alaksandr Łukašenka paabiacaŭ try-čatyry dni vajny ŭ vypadku sutyknieńnia z Ukrainaj
Dla KDB pabudujuć asobnuju balnicu na VIP-uzroŭni4
Kamientary