U Biełarusi prahnazujuć padaražańnie budaŭničych materyjałaŭ ź mietału
U studzieni košt asnoŭnych vidaŭ stalnoha prakatu nie źviedaŭ istotnych źmien u paraŭnańni sa śniežniem minułaha hoda. Vahańni cen byli ŭmieranymi i ŭ siarednim nie pieravyšali 3% u bok pavyšeńnia abo źnižeńnia, paviedamlaje Biełaruskaja ŭniviersalnaja tavarnaja birža (BUTB).
U pryvatnaści, tona haračakačanaha listavoha prakatu i švieleru stała daražejšaj na 2,2%, čym u śniežni, u toj čas jak stalnyja truby, acynkavany list i vuhałok naadvarot patańnieli na 2-4%.
Ceny na astatnija vidy pradukcyi čornaj mietałurhii zastalisia na ŭzroŭni papiaredniaha miesiaca.
Razam z tym analityki BUTB nie vyklučajuć, što ŭžo ŭ lutym biržavyja kaciroŭki na čorny mietałaprakat znoŭ pojduć uvierch.
Analityki zaznačajuć, što rezki rost cen, charakterny dla viasny minułaha hoda, małavierahodny. Chutčej za ŭsio, pavyšeńnie budzie pastupovym i zakranie tolki samyja zapatrabavanyja pazicyi, takija jak armatura, truby i listavy prakat.
Kamientary