A1 Telekom Austria Group: Kampanija nie źbirajecca sychodzić ź Biełarusi
A1 Telekom Austria Group nie źbirajecca pakidać biełaruski rynak z-za aryštu pres-sakratara daččynaj kampanii Mikałaja Bredzieleva.
Pra heta ŭ intervju ahienctvu APA zajaviŭ staršynia praŭleńnia kampanii Tomas Arnoldier, piša Zerkalo.io.
Telekom Austria zaniepakojenaja stanoviščam biełaruskaha ofisa kampanii A1 i aryštam Mikałaja Bredzieleva. Pa słovach Arnoldera, jon sam stavicca da hetaha aściarožna i nie choča padlivać alej ŭ ahoń.
«Pa hetaj situacyi niama nijakich navin, jakimi ja mahu padzialicca z vami. Niadaŭna adbyłosia mocnaje abvastreńnie, ja dumaju, my skazali ŭsio, što treba skazać pa hetym pytańni. Nas sapraŭdy bolš za ŭsio turbuje situacyja i biaśpieka našych supracoŭnikaŭ, ale, viadoma, my taksama chočam zabiaśpiečyć najlepšaje absłuhoŭvańnie našych klijentaŭ», — padkreśliŭ jon, zapeŭniŭšy, što kampanija «padtrymlivaje svaich supracoŭnikaŭ i svaje miascovyja apieracyi na miescach».
Pa słovach Tomasa Arnoldera, biznes u Biełarusi prynosić kampanii prykładna dziasiatuju častku dachodaŭ:
«Biełaruś — važny dla nas rynak, my pracujem tam vielmi paśpiachova ŭžo šmat hadoŭ — padkreśliŭ jon, adznačyŭšy, što sychod kampanii ź Biełarusi nie abmiarkoŭvajecca».
Kampanija A1 atrymała ŭ Biełarusi za minuły hod amal 420 miljonaŭ jeŭra vyručki. Heta na 4,2 % bolš, čym u 2020 hodzie. Vyručka ŭ biełaruskich rublach vyrasła na 12,4%, pieravysiŭšy 1,2 miljarda rubloŭ. Heta rekord za apošnija niekalki hod.
Łucki: Łukašenka daŭ daručeńnie pravieści acenku dziejańniaŭ kampanii A1 i pryniać samyja žorstkija miery
Siabar pres-sakratara A1 Mikałaja Bredzieleva na voli. Ci vyzvalili jaho samoha?
«Budzie sproba ŭvieści ŭ mieniedžmient «svaich ludziej». Čym pahražaje A1 zajava Łukašenki pra «žorstkija miery»?
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»3
Kamientary