Pomnik Leninu, što zabiŭ čałavieka ŭ Buda‑Kašaloŭskim rajonie, buduć restaŭravać
Małady čałaviek mieŭsia na nastupny dzień zabirać dzicia z radzilnaha doma.
Trahiedyja adbyłasia 9 žniŭnia. 21‑hadovy rabočy miascovaha sielhaspradpryjemstva sprabavaŭ uźleźci na pomnik, ustanoŭleny na terytoryi miascovaj siaredniaj škoły.
Jak paviedamili BiełaPAN u prakuratury,
małady čałaviek adznačaŭ ź siabrami naradžeńnie svajho dziciaci, jakoha na nastupny dzień jon pavinien byŭ zabrać z radzilnaha doma. Paśla vypitaha śpirtnoha jamu pryjšła ideja sfatahrafavacca visiačym na praciahnutaj ruce Lenina.
Małady baćka zalez na pomnik, ale kanstrukcyja nie vytrymała, abłamałasia, i chłopiec upaŭ. Źvierchu na jaho ŭpali frahmienty pomnika — hałava, plečy i ruka. Ruka ŭdaryła paciarpiełaha pa hałavie, i toj ad atrymanych traŭm pamior pa darozie ŭ balnicu.
U škole, na terytoryi jakoj znachodzicca pomnik, BiełaPAN paviedamili, što žalezabietonnaja statuja pravadyra suśvietnaha praletaryjatu była ŭstanoŭlena ŭ pasiołku jašče da Vialikaj Ajčynnaj vajny.
U hady vajny pomnik vyrašyli źniać z pastamienta i schavać, kab abaranić ad akupantaŭ, potym zakapali, a paśla vajny viarnuli na raniejšaje miesca.
Jak paviedamili ŭ administracyi škoły, paśla abśledavańnia śpiecyjalistami budzie pryniata rašeńnie ab restaŭracyi pomnika.
Ciapier čytajuć
Śćviardžajecca, što kiraŭnik Butikavto Ivan Labiejka ŭžo na svabodzie1
Kamientary