Piaskoŭ nazvaŭ Rasiju apošniaj krainaj, jakaja žadaje pramović słova «vajna»
U historyi Rasii było mnostva vojnaŭ, kraina — apošniaja ŭ Jeŭropie, jakaja chacieła b navat pramaŭlać słova «vajna», zajaviŭ pradstaŭnik prezidenta Dźmitryj Piaskoŭ u efiry telekanała «Rasija 1».
«Nahadvajem, što Rasija na praciahu ŭsioj svajoj historyi nikoli ni na kaho nie napadała. I Rasija, jakaja pieražyła stolki vojnaŭ, — heta apošniaja kraina ŭ Jeŭropie, jakaja naohuł choča navat pramaŭlać słova «vajna», — skazaŭ Piaskoŭ.
Jon taksama nahadaŭ, što Maskva zaklikaje jeŭrapiejskija krainy «da rozumu» i paprasiŭ ich zadać sabie pytańnie: «Jaki sens Rasii na kahości napadać?».
Napiaredadni hienieralny sakratar NATO Jens Stołtenbierh zajaviŭ, što Rasija nie advodzić vojski ad miažy z Ukrainaj, a, naadvarot, naroščvaje svaju vajennuju prysutnaść tam. Na jaho dumku, heta kaža pra «vielmi i vielmi vysokuju» ryzyku ŭvarvańnia.
Kamientary