Markoŭny piroh (ci, u inšych varyjacyjach, tort) — duža papularny desiert, jaki časta možna sustreć u kaviarniach. Pry žadańni da jaho možna dadać krem z syru maskarpone — sapraŭdnaja asałoda!
Fota: BBC Food
Kab pryhatavać vieniecyjanski markoŭny piroh, vam spatrebicca:
- 3 čajnyja łyžki kiedravych arechaŭ,
- 200-250 hramaŭ morkvy,
- 75 hramaŭ razynak (lepiej brać załatyja razynki),
- 60 mililitraŭ romu,
- 150 hramaŭ cukru,
- 125 mililitraŭ aliŭkavaha aleju (i troški jašče, kab zmazać formu),
- čajnaja łyžka vanilnaha ekstraktu,
- 3 jajki,
- 250 hramaŭ mołataha mindalu,
- pałova čajnaj łyžki mołataha muskatnaha arechu,
- pałova limona (pakińcie ad jaho tolki cedru i sok).
Kali chočacie zrabić da piraha krem z maskarpone, padrychtujcie:
- 250 hramaŭ syru maskarpone,
- 2 čajnyja łyžki cukrovaj pudry,
- 2 čajnyja łyžki romu.
- Razahrejcie duchoŭku da 180 hradusaŭ. Vaźmicie kruhłuju formu dla vypiakańnia dyjamietram 23 sm, pakryjcie dno piakarskaj papieraj i zmažcie baki formy alejem.
- Padsušvajcie kiedravyja arechi na patelni biez aleju, pakul jany nie nabuduć karyčnievy koler.
- Zdrabnicie morkvu z dapamohaj drobnaj tarki. Zaviarnicie atrymanuju masu ŭ survetku z papiery i adciśnicie jaje, kab prybrać lišniuju vadkaść.
- Pamiaścicie razynki i rom u maleńkuju kastrulu, daviadzicie da kipieńnia, potym pamienšycie ahoń i varycie sumieś 3 chviliny.
- Uźbivajcie cukar i alej razam, pakul sumieś nie zahuścieje. Dadajcie vanilny ekstrakt i jajki, znoŭ dobra ŭźbiejcie sumieś. Paśla hetaha ŭmiašajcie ŭ jaje mołaty mindal, muskatny arech, markoŭnuju masu, razynki i, narešcie, cedru i sok limona.
- Pieramiaścicie sumieś u padrychtavanuju formu dla vypiakańnia i razhładźcie jaje łapatkaj.
- Upryhožcie vierch piraha kiedravymi arechami i pastaŭcie formu ŭ duchoŭku na 30-40 chvilin. Piroh budzie hatovy, kali jaho vierch uzdymiecca i nabudzie karyčnievy koler. Pamiaścicie ŭ centr piraha draŭlanuju špažku i dastańcie jaje — kali na špažcy amal nie budzie reštkaŭ ciesta, značyć, piroh možna jeści. Dastańcie jaho z duchoŭki i astudzicie pierad tym, jak vymać z formy.
- Kab zrabić krem, pieramiašajcie syr maskarpone z cukrovaj pudraj i romam.
- Padavajcie piroh z kremam u asobnaj miscy, kab kožny, chto pažadaje, moh uziać troški kremu sabie.
Recept na vychodnyja: vytančany desiert łava-kiejk z marožanym
Recept na vychodnyja: kuryca ŭ kary za paŭhadziny, pryčym niezvyčajnaja
«Nie spadabajecca — nazad pajedu»: palitźniavoleny pamočnik prakurora Babak z‘javiŭsia ŭ sacsietkach FOTA5
Kamientary