Jeŭra ŭpaŭ da dalara da samaha nizkaha ŭzroŭniu za apošnija dva hady
Jany znoŭ chutka zraŭniajucca?
Kurs jeŭra prykmietna źniziŭsia adnosna dalara, a funt sterlinhaŭ apuściŭsia da amierykanskaj valuty da vaśmimiesiačnaha minimumu na fonie zachavańnia aściaroh nakont stanu ekanomiki Jeŭropy, paviedamlaje Myfin.by.
Jeŭra źniziŭsia adnosna dalara na 0,5% i skłaŭ $1,0306, što źjaŭlajecca samym nizkim uzroŭniem ź listapada 2022 hoda. Brytanski funt upaŭ da dalara na 1% da $1,2389 — minimalnaha ŭzroŭniu z maja 2024 hoda.
Padzieńnie kursu jeŭra adbyłosia z-za aściaroh, što aryjentavanyja na ekspart ekanomiki ES pacierpiać ad handlovych mytaŭ ZŠA.
Akramia taho, asłableńnie źviazvajuć z čakańniami, što Jeŭrapiejski centralny bank źnizić pracentnyja staŭki bolš ahresiŭna, čym FRS ZŠA.
Palityčnaja niestabilnaść u najbujniejšych ekanomikach Jeŭrasajuza taksama ŭzmacniła cisk na ahulnajeŭrapiejskuju valutu.
Dla funta asnoŭnym faktaram stała słaboje pavieličeńnie ekanomiki Vialikabrytanii, što ŭzmacniła nieabchodnaść bolš hłybokaha źnižeńnia pracentnych stavak.
Mnohija analityki prahnazujuć, što jeŭra apuścicca da parytetu z dalaram abo navat nižej u 2025 hodzie — na dumku asobnych ekśpiertaŭ, heta moža adbycca ŭ druhim kvartale.
Z kanca vieraśnia jeŭrapiejskaja valuta asłabła adnosna amierykanskaj prykładna na 8%.
38-hadovaha vajskovaha lotčyka sudziać za abrazu Łukašenki4
Kamientary