U deputata parłamienta spytali, ci padtrymlivaje jon vajnu va Ukrainie. Voś što toj adkazaŭ
Deputatu Pałaty pradstaŭnikoŭ Uładzimiru Siniaku dasłali zvarot z pytańniami, ci padtrymlivaje jon raźviazvańnie vajny va Ukrainie i jak hatovy paŭpłyvać na jaje najchutčejšaje zakančeńnie.
Voś jaki adkaz ad jaho pryjšoŭ.
«Upeŭnieny, što lubyja supiarečnaści pavinny vyrašacca mirnym cyvilizavanym šlacham. I ŭ hetym vypadku patrebny dyjałoh. Tamu i prezident Respubliki Biełaruś A.H. Łukašenka, i Ministerstva zamiežnych spraŭ Respubliki Biełaruś, i parłamientaryi robiać usio mahčymaje, kab spynić vajenny kanflikt pamiž dźviuma vielmi blizkimi pa svaim mientalitecie krainami», — napisaŭ deputat.
Uładzimir Siniak rodam ź Dziatłaŭskaha rajona. Vypusknik sielhasakademii, atrymaŭ śpiecyjalnaść «inžynier-miechanik». Pracavać pačynaŭ u kałhasie «Iskra». Paśla ŭznačalvaŭ pradpryjemstva «Dziatłaŭskaja sielhastechnika», byŭ dyrektaram rajhaza.
Letaś Uładzimir Siniak vykazvaŭ mierkavańnie nakont taho, čamu nieabchodny Hod narodnaha adzinstva.
«Ja nie razumieju tych ludziej, jakija prosiać u Zachadu sankcyj, jakija pryniasuć škodu ich ža suajčyńnikam. Ja nie viedaju, jak ź imi možna prymirycca, ale niešta rabić treba. Jość i takija ludzi, jakija byccam zabłukali i nie viedajuć, kudy im ruchacca. Jany taksama pavinny zadumacca, azirnucca nazad», — razvažaŭ deputat u rajonnaj presie.
Čytajcie taksama:
«Situacyja na miažy paniki». Biznes u transie, bo ni z Rasijaj, ni ź Jeŭropaj pracavać stanovicca niemahčyma
Ukrainski sajt paličyŭ łukašenkaŭski kanał ANT rasijskim. Bo adroźnić sapraŭdy składana
Bondarava abrynułasia na muziej Janki Kupały i mastaka Sušu14
Kamientary