Advakat štaba Babaryki, siabra Kaardynacyjnaj rady Maksim Znak u razmovie z baćkam Alaksandram raspavioŭ apošnija naviny svajho žyćcia ŭ kałonii ŭ Viciebsku.
«Učora ŭviečary telefanavaŭ Maks. Žyvy i zdarovy. Biehaje. Na minułym tydni jon pracavaŭ u druhuju źmienu, tamu ŭdzień možna było naviedvać stadyjon, prabieh 67 kiłamietraŭ, — napisaŭ Alaksandr Znak u Fejsbuku. — Pracuje. U lutym zarabiŭ 56 kapiejek. Hetyja hrošy zaličanyja na jaho rachunak dadatkova da tych, jakija štomiesiačna adpraŭlaje jamu jahonaja žonka. Z 11 lutaha nivodnaha lista ad nie svajakoŭ nie atrymlivaje. Sam usim, chto da hetaha napisaŭ i dasłaŭ paštoŭku, adkazaŭ. Čakaju listoŭ, dzie pra ŭsie heta jon budzie pisać bolš padrabiazna».
Maksim Znak byŭ zatrymany 9 vieraśnia 2020 hoda. Praz hod, 6 vieraśnia 2021 hoda, byŭ asudžany da 10 hadoŭ kałonii nibyta za «zakliki da naniasieńnia škody nacyjanalnaj biaśpiecy Biełarusi», zakliki da «zachopu ŭłady ŭ krainie», a taksama za stvareńnie ekstremisckaha farmavańnia. Maryju Kaleśnikavu hetym ža sudom asudzili na 11 hadoŭ kałonii.
Kamientary