Premjer-ministr Italii Marya Drahi raskryŭ detali svajoj telefonnaj hutarki z prezidentam Rasii Uładzimiram Pucinym, jakaja adbyłasia 30 sakavika.
Ab hetym Drahi raspavioŭ na pres-kanfierencyi dla zamiežnych žurnalistaŭ.
Pa słovach italjanskaha premjera, jon patelefanavaŭ rasijskamu prezidentu i skazaŭ, što, pa jaho pierakanańni, dla taho, kab vyrašyć najvažniejšyja prablemy, treba sustrecca z ukrainskim prezidentam, pra jakuju Uładzimir Zialenski prosić z samaha pačatku vajny.
«A Pucin adkazaŭ, što čas jašče nie pryjšoŭ», — skazaŭ Drahi.
Jak dadaŭ Drahi, Pucin ličyć, što pieramovy prasoŭvajucca [zanadta] maleńkimi krokami.
Pa słovach italjanskaha premjera, Rasija i Ukraina paprasili Italiju stać adnym z harantaŭ ŭvasableńnia ŭ žyćcio punktaŭ budučaha mirnaha dahavora.
«Sankcyi [suprać Rasii] pracujuć, mir moža być dasiahnuty, kali Ukraina abaraniaje siabie — a inakš jon nijak nie moža być dasiahnuty, — skazaŭ Drahi. — Ja znoŭ paćvierdziŭ žadańnie Italii supracoŭničać u prakładańni šlachu da miru, što ź jaho boku było pryniataje».
Akramia taho, jak zajaviŭ premjer Italii, Pucin paviedamiŭ jamu ab praciahu dziejańnia kantraktaŭ pa hazie, i kampanii, pa słovach Drahi, praciahnuć płacić u jeŭra i dalarach.
Kamientary