Pytańnie ab evakuacyi žyvioł z razhromlenaha ekaparku pad Charkavam vyrašyli
Žyvioły z razbomblenaha ekaparku pad Charkavam buduć evakujavanyja pakul u Dniapro, paviedamiŭ namieśnik mera hetaha horada Michaił Łysienka. Zaaabaroncy z arhanizacyi UAnimals taksama zajavili ab tym, što hatovyja pryniać udzieł u evakuacyi.
Siońnia zranku zasnavalnik ekaparku, narodny deputat Alaksandr Fieldman, zajaviŭ, što bolšuju častku bujnych drapiežnikaŭ, jakija zastalisia žyvyja paśla abstrełaŭ, daviadziecca ŭsypić, bo ŭmoŭ dla ich utrymańnia abo evakuacyi niama, ale isnuje ryzyka, što pry nastupnym abstrele napałochanyja drapiežniki apynucca pa-za valjerami i pojduć u bok Charkava abo najbližejšych pasiołkaŭ, składajučy pahrozu dla ludziej.
Ale pryniać niaščasnych žyvioł akazałasia šmat achvotnych. Spačatku zaaabaroncy z arhanizacyi Animals raspaviali, što damovilisia ab ich evakuacyi ŭ prytułak dzikich žyvioł Natalli Papovaj u Kijeŭskaj vobłaści. «Jana hatovaja zabrać ich usich», — napisali vałanciory.
Paśla źjaviłasia infarmacyja pra hatoŭnaść dapamahčy i z boku inšych ukrainskich zaaparkaŭ. Jak paviedamiła pres-słužba Adeskaha zaasada, drapiežnikaŭ hatovyja pryniać Łucki, Rovienski, Kijeŭski, zaapark «Limpapo» i inšyja zaaparki. Sam Adeski zaapark užo rychtuje miesca dla pryniaćcia niekalkich drapiežnikaŭ. Ciapier vyrašajecca tolki pytańnie, jak ich vyvieźci.
Čytajcie taksama:
Ekapark u Charkavie źniščany
«Mnohija žyvioły zahinuli ad razryvu serca». Što kaža ŭłaśnik zaaparka pad Charkavam, jaki znachodzicca prosta na linii ahniu
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary