«Paprasili cyharety i strelili ŭ hałavu». Historyi raspraŭ nad mirnymi žycharami Ukrainy
Pravaabarončaja arhanizacyja Amnesty International źbiraje historyi raspravaŭ nad mirnymi žycharami va Ukrainie, učynienych rasijskimi vajskoŭcami. U svaim novym dakładzie Amnesty publikuje śviedčańni bolš čym 20 čałaviek, jakija raspaviali pra zabojstvy mirnych žycharoŭ u haradach i vioskach Kijeŭskaj vobłaści. Ruskaja słužba «Bi-bi-si» cytuje niekatoryja ź ich. (Aściarožna! Padrabiaznaści mohuć šakavać).
«Prykončy jaho»
Uviečary dziaviataha sakavika 46-hadovaja žycharka vioski Bahdanaŭka (imia hieraini ŭ dakładzie nie publikujecca) pačuła stralbu za aknom. U toj momant jana znachodziłasia doma razam z mužam, 10-hadovaj dačkoj i 81-hadovaj śviekryvioj.
Muž i žonka razam ź dziciem spuścilisia ŭ sklep, tudy ŭvajšli dvoje rasijskich vajskoŭcaŭ i šturchnuli ich u kacielniu.
«Jany prymusili nas uvajści i začynili dźviery — uspaminaje žančyna. — Litaralna praz chvilinu znoŭ jaje adkryli i spytali muža, ci jość u jaho cyharety. Jon skazaŭ, što nie kuryŭ paru tydniaŭ. Adzin streliŭ jamu ŭ pravuju ruku, druhi skazaŭ: «Prykončy jaho», i toj streliŭ jamu ŭ hałavu».
«Jon pamior nie adrazu, z 21:30 viečara da 04:00 ranicy jon jašče dychaŭ, choć i byŭ biez prytomnaści — praciahvaje žančyna. — Ja maliła jaho, kazała: kali ty mianie čuješ, pavarušyli palcam. Palcam jon nie pavarušyŭ, ja pakłała jaho ruku sabie na kalena i ścisnuła jaje».
«Kali jon zrabiŭ apošni ŭzdych, ja paviarnułasia da dački i skazała: zdajecca, tata pamior».
U tuju ž noč žančyna ź dziciem źbiehła ź vioski. 81-hadovaja śviakroŭ ź invalidnaściu zastałasia doma.
«Moj baćka mieŭ šeść vialikich dzirak u śpinie»
Treciaha sakavika 18-hadovaja Kaciaryna Tkačova z pasiołka Vorziel Kijeŭskaj vobłaści była doma razam z baćkami. Uzdoŭž vulicy prajechali niekalki rasijskich tankaŭ z paznakaj «Z».
Baćki vyskačyli na vulicu, zahadaŭšy Kaciarynie zastavacca doma.
Jana pačuła streły.
«Kali tanki zjechali, ja vybiehła na vulicu i ŭźlezła na susiedski płot, — kaža jana. — Ja chacieła daviedacca, ci žyvyja jany. Ja pahladzieła za płot i ŭbačyła, što maja mama lažyć na śpinie na adnym baku darohi, Baćka — tvaram uniz na druhim baku. Ja ŭbačyła vialikija dzirki ŭ jaho palito».
«Na nastupny dzień ja padyšła da ich, — praciahvaje Kaciaryna. — U majho baćki było šeść vialikich dzirak u śpinie, u majoj maci dzirka pamienš u hrudziach».
Kaciaryna kaža, što jaje baćki byli apranutyja ŭ cyvilnaje i nie mieli pry sabie zbroi.
Inšyja historyi
Žycharka adnoj ź viosak na ŭschod ad Kijeva raspaviała, što dziaviataha sakavika rasijskija vajskoŭcy ŭvarvalisia da jaje dadomu, zastrelili jaje muža, zatym niekalki razoŭ zhvałtavali jaje pad rulaj pistaleta, pakul jaje maleńki syn chavaŭsia niepadalok. Paźniej joj udałosia źbiehčy ź vioski razam ź dziciem.
24-hadovaja žycharka Bučy Milena, raspaviała pravaabaroncam, što bačyła kala svajho doma cieła žančyny, jakaja žyła na jaje vulicy.
Maci hetaj žančyny skazała Milenie, što jaje dačku zastrelili ŭ pieršyja dni ŭvarvańnia, kali jana hladzieła praz płot na rasijskuju vajskovuju techniku.
Kryzisnaja łabaratoryja Amnesty International pravieryła videazapis, jaki paćviardžaje miescaznachodžańnie niehłybokaj mahiły, u jakoj była pachavanaja hetaja žančyna.
«Nastojaŝieje vriemia» publikuje apovied žycharki Chiersona ab zhvałtavańni rasijskimi vajskoŭcami. Žančyna kaža, što «adzin ź miascovych pakazaŭ na mianie palcam, skazaŭ: «Banderaŭka, žonka vajskoŭca». Jany zajšli za mnoj u kvateru, moŭčki pavalili na łožak, prycisnuli aŭtamatam».
Niahledziačy na šmatlikija śviedčańni, paćvierdžanyja zachodnimi žurnalistami i pravaabarončymi arhanizacyjami, Rasija admaŭlaje dačynieńnie svaich vajskoŭcaŭ da vajennych złačynstvaŭ i zabojstvaŭ mirnych žycharoŭ.
U aŭtorak na pasiadžeńni Savieta biaśpieki AAN pastajanny pradstaŭnik Rasii Vasil Niabienzia zajaviŭ, što ni adzin mirny žychar ukrainskaha nasielenaha punkta Buča nie paciarpieŭ za čas znachodžańnia tam rasijskich vajskoŭcaŭ.
Jaje apaznali pa fota ruki z manikiuram, jakoje bačyŭ uvieś śviet. Historyja Iryny Filkinaj — adnoj z zahinułych žycharak Bučy
Fota i videa z Bučy analizuje sudmiedekśpiertka. Voś što jana pabačyła na strašnych kadrach
Cieły sa znakami katavańniaŭ, trupy na vulicach, brackija mahiły. Rasijskija vojski pakinuli na Kijeŭščynie strašnyja ślady
Apublikavany jašče adzin važny videazapis, jaki dakazvaje, što mirnych žycharoŭ u Bučy zabili ŭ čas rasijskaj akupacyi
«U fakcie masavaha hvałtu nad mirnym nasielnictvam z boku rasijskaj armii ničoha novaha niama». Vajenny ekśpiert pra pavodziny rasijskich sałdat
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary