U vypadku ŭstupleńnia Finlandyi i Šviecyi ŭ NATA Rasii pryjdziecca surjozna ŭzmacnić hrupoŭku suchaputnych sił uzdoŭž miežaŭ z Aljansam i istotna razharnuć vajenna-marskija siły ŭ Finskim zalivie.
Pra heta napisaŭ u svaim telehram-kanale namieśnik kiraŭnika Rady biaśpieki Rasii Dźmitryj Miadźviedzieŭ.
Pavodle jaho słoŭ, dla Rasii «ŭ cełym nie tak užo važna», kolki krain ŭ NATA — 30 abo 32, adnak ŭstupleńnie Finlandyi i Šviecyi ŭdvaja pavialičyć praciahłaść suchaputnych miežaŭ z Aljansam i ich pryjdziecca surjozna ŭmacoŭvać.
«Surjozna ŭzmacnić hrupoŭku suchaputnych sił i SPA, razharnuć istotnyja vajenna-marskija siły ŭ akvatoryi Finskaha zaliva. U takim vypadku ni pra jaki biaźjadzierny status Bałtyki havorka iści ŭžo nie zmoža — bałans pavinien być adnoŭleny», — napisaŭ Miadźviedzieŭ.
Pra imaviernaść chutkaha ŭstupleńnia ŭ NATA zajavili na hetym tydni premjer-ministry Finlandyi i Šviecyi Sana Maryn i Mahdalena Andersan. Jany paviedamili, što mohuć padać zajaŭki adnačasova.
Raniej krynicy ŭ NATA zajaŭlali, što rašeńnie ab pryjomie dźviuch skandynaŭskich krain moža być pryniataje ciaham niekalkich tydniaŭ paśla padačy imi zajaŭki.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju15
Kamientary