Biełaruskaja fiederacyja futbołu paviedamlaje, što ŭ adpaviednaści z patrabavańniami artykuła 35 Pravił UEFA pa licenzavańni (vydańnie 2008h.), a taksama abaviazkovaha kadravaha kryteryja P.08 «Hałoŭny trenier hałoŭnaj kamandy» Kiraŭnictva ABFF pa licenzavańni futbolnych kłubaŭ (red. 2.4), zaćvierdžanaha Vykanaŭčym kamitetam ABFF 25 lipienia 2008 h., hałoŭny trenier pavinien:
a) jak minimum, vałodać dziejučaj trenierskaj A‑licenzijaj UEFA ci luboj inšaj dziejučaj zamiežnaj trenierskaj licenzijaj, jakaja źjaŭlajecca ekvivalentnaj dadzienaj i pryznajecca UEFA takoj; ci
b) užo pačać nieabchodny adukacyjny kurs, jaki pryznajecca ABFF i dazvalaje jamu atrymać patrebny dypłom (licenziju), jaki heta vyznačana padpunktam a).
Ciapier Siarhiej Hurenka nie vałodaje licenzijaj UEFA, nie prachodzić adukacyjnaha kursu, što dazvalaje jamu atrymać patrabavanuju licenziju, i, adpaviedna, nie moža zajmać pasadu hałoŭnaha treniera, paviedamlajecca na sajcie Biełaruskaj fiederacyi futboła.
***
Siarhiej Hurenka byŭ pryznačany hałoŭnym trenieram «Dynama» Minsk 21 žniŭnia, jaho papiarednik Kiryła Alšeŭski pratrymaŭsia na pasadzie tolki try tydni, jon, u svaju čarhu, 27 lipienia źmianiŭ sierbskaha śpiecyjalista. Siarhiej Hurenka - 20-ty trenier «Dynama» za niapoŭnyja dziesiać hod.
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ3
Kamientary