Sioleta na fakultet žurnalistyki BDU na śpiecyjalnaści «žurnalistyka» i «žurnalistyka mižnarodnaja» možna budzie pastupić tolki na biudžet. Płatnaj formy nie praduhledžvajecca. Z čym źviazanaja takaja palityka VNU, raskazaŭ padčas pres-kanfierencyi načalnik hałoŭnaha upraŭleńnia prafiesijnaj adukacyi Ministerstva adukacyi Biełarusi Siarhiej Kaśpiarovič. Akazałasia, što ŭ hałavie ciapier patreby tolki dziaržaŭnaj presy.
Čynoŭnik spačatku panarakaŭ na toje, što z płatnaj formaj uvohule šmat kłopatu:
«Farmiravańnie ličbaŭ pryjomu na biudžetnuju i płatnuju formy — heta surjoznaja i karpatlivaja praca, źviazanaja z analizam patreby adpaviednych arhanizacyj, damovaŭ, jakija zaklučanyja va ŭstanovie adukacyi z zakazčykami kadraŭ».
A dalej u tłumačeńni prahučali vyraznyja ideałahičnyja notki:
«Siońnia akcent dziaržaŭnaj infarmacyjnaj palityki robicca ŭ bok raźvićcia dziaržaŭnych ŚMI. Va ŭsich abituryjentaŭ jość prava ŭdzielničać u konkursie i pastupić na biudžetnuju formu i, adpaviedna, zatym być raźmierkavanymi ŭ lubuju arhanizacyju infarmacyjnaha siektara. U pieršuju čarhu — zakazčyka kadraŭ».
Vidać, pamknieńniami, kab 100% vypusknikoŭ žurfaka prachodzili dziaržaŭnaje abaviazkovaje raźmierkavańnie, to-bok lišnija niekalki hadoŭ znachodzilisia pad dadatkovym kantrolem, i tłumačycca hetaje rašeńnie.
Pry hetym Kaśpiarovič adznačyŭ, što «pryjom na śpiecyjalnaść «žurnalistyka» taksama jość i ŭ inšych ustanovach adukacyi. Naprykład — u Hrodzienskim dziaržaŭnym univiersitecie imia Janki Kupały». A ŭ cełym pa VNU niama tendencyi da skaračeńnia płatnych miescaŭ.
Dźmitryjeŭ raskazaŭ niemcam, čaho Łukašenka moža chacieć ad Jeŭropy23
Kamientary