Maci dyrektara Nacyjanalnaha muzieja Amana z Rečycy. Jon pryvitaŭ Łukašenku pa-biełarusku
Hienieralny dyrektar Nacyjanalnaha muzieja Sułtanata Aman šejch Džamał al Musavi maje biełaruskija karani, piša Radyjo Svaboda.
Padčas aficyjnaha vizitu ŭ Aman Alaksandr Łukašenka naviedaŭ Nacyjanalny muziej u stalicy dziaržavy Maskacie.
Kali Łukašenka vyjšaŭ z aŭtamabila i zapytaŭsia: «Kažuć, tut biełarus jość?», Džamał Al Musavi adkazaŭ pa-biełarusku: «Tak. Dobraj ranicy». Praŭda, dalej jany razmaŭlali pa-rusku.
Źviestak pra baćkoŭ hiendyrektara muzieja niašmat. Naradziŭsia Džamał al Musavi ŭ Rasii, jahony baćka niekali vučyŭsia i pracavaŭ u Savieckim Sajuzie, a maci Halina rodam ź biełaruskaj Rečycy.
Pa prafiesii Džamał al Musavi kulturołah, vučyŭsia ŭ Brytanii. Džamał al Musavi byŭ pryznačany hienieralnym dyrektaram Nacyjanalnaha muzieja Sułtanata Aman u 2017 hodzie. Da hetaha jon pracavaŭ kurataram Muzeju sučasnaha arabskaha mastactva ŭ stalicy Katara Dosie, rehijanalnym mieniedžaram mastackich prajektaŭ krain Piersidskaj zatoki, Iraku i Jemiena ŭ Brytanskaj radzie.
Žurnalistam Džamal al-Musavi raskazaŭ, što siamiejnaja suviaź ź Biełaruśsiu, pavodle archiŭnych źviestak, idzie z pačatku XVIII stahodździa. Jon taksama hanarycca, što dzied byŭ vieteranam Vialikaj Ajčynnaj vajny. I što da hetaha času jahonaja siamja padtrymlivaje ciopłyja adnosiny sa svajakami, jakija žyvuć u Biełarusi. Amanski šejch pryznaŭsia, što ŭ Biełarusi adčuvaje siabie jak doma. A sumuje bolš za ŭsio pa pryrodnaj pryhažości: «Pa lesie. Les, voziera, reki. Maje prodki rodam z Rečycy, na bierazie Dniapra».
Džamal al-Musavi pryjazdžaŭ u Minsk u 2019 hodzie. U Nacyjanalny mastacki muzej jon pryvoziŭ vystavu «Aman: žamčužyna Uschodu. Ramiesnaja spadčyna» z kalekcyi Nacyjanalnaha muzieja Sułtanata Aman.
Dźmitryjeŭ raskazaŭ niemcam, čaho Łukašenka moža chacieć ad Jeŭropy6
Kamientary