Kancler Hiermanii Ołaf Šolc, jaki pravioŭ napiaredadni telefonnuju razmovu z prezidentam Rasii Uładzimiram Pucinym, nie ŭbačyŭ źmianieńniaŭ u jaho pazicyi.
«Nie» — skazaŭ Šolc. Adkazvajučy na pytańnie, ci zaŭvažyŭ jon źmieny ŭ pazicyi Pucina padčas piatničnaj telefonnaj razmovy.
«Zrazumieła adno: Rasija nie dasiahnuła ni adnoj z metaŭ vajny, zhadanych u pačatku. Ukraina nie zavajavanaja, ale abaraniajecca ź vialikim majsterstvam, mužnaściu i samaachviaravańniem. NATO nie adyšła, a faktyčna pavialičyła svaje siły na ŭschodnim fłanhu aljansu. A kali Finlandyja i Šviecyja dałučacca da NATA, aljans stanie jašče macniejšym. Sami rasijskija vajskoŭcy panieśli značnyja straty, značna bolšyja, čym za dziesiacihodździ kampanii Savieckaha Sajuza ŭ Afhanistanie «, — dadaŭ kancler.
Pavodle jaho słoŭ, Pucinu pastupova pavinna stać zrazumieła, što adziny vychad z hetaj situacyi — damovicca z Ukrainaj.
«U lubym vypadku Rasieja zahnała siabie ŭ dramatyčnuju situacyju. My prosta bačym, kudy viadzie ekanamičnaja izalacyja. Prezident Rasiei pavinien razumieć, što zdolnaść jahonaj krainy zdabyvać vyhadu z suśvietnaha prahresu zabłakavanaja, pakul nie nastupić sapraŭdny mir».
Kamientary