Ukraina ŭdaryła na NPZ u Nižaharodskaj vobłaści, jaki zabiaśpiečvaje Maskvu i vobłaść palivam
U noč na 2 lipienia kala troch dziasiatkaŭ ukrainskich bieśpiłotnikaŭ atakavali Nižaharodskuju vobłaść, paviedamiŭ kiraŭnik rehijona Hleb Nikicin.
«Padzieńnie abłomkaŭ vyklikała niekrytyčnyja paškodžańni adnaho pramysłovaha abjekta i niekalkich žyłych damoŭ. Z bolem u sercy mušu paviedamić pra hibiel adnaho mirnaha žychara», — napisaŭ Nikicin u svaim Telegram-kanale.
Pavodle jaho słoŭ, taksama paciarpieli čatyry čałavieki, adzin ź ich byŭ špitalizavany. Na miescach zdareńnia pracujuć ekstranyja słužby, praciahvajecca rabota sistem supraćpavietranaj abarony.
Pavodle analizu videazapisaŭ vidavočcaŭ, praviedzienaha vydańniem Astra, pad udar trapiŭ naftapierapracoŭčy zavod «Łukojł-Nižaharodnaftaarhsintez», raźmieščany ŭ horadzie Kstova.
Heta najbujniejšy zavod kampanii «Łukojł», jaki zajmaje čaćviortaje miesca ŭ Rasii pa mahutnaści i druhoje — pa vytvorčaści bienzinu. Pradpryjemstva zdolnaje pierapracoŭvać kala 15 miljonaŭ ton nafty za hod i vypuskać da 5 miljonaŭ ton bienzinu. Pry hetym NPZ zabiaśpiečvaje palivam Maskoŭski rehijon.
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju7
Kamientary