Instytut pładavodstva prapanavaŭ usim achvotnym sabrać u sadzie čarešni. Amal stolki ž, jak i na rynku — ale kali ŭ rot, to biaspłatna!
Pry samastojnym zbory 12 rubloŭ za kiłahram, a na Kamaroŭcy — ad 10 rubloŭ.
Instytut pładavodstva hatovy puścić u svoj sad (znachodzicca toj pobač ź vioskaj Samachvałavičy ŭ Minskim rajonie) usich achvotnych samastojna źbirać čarešni. Dla hetaha vydzielili dźvie daty — 1 i 7 lipienia, vyklučna z 9.00 da 15.00.
Dla zboru treba mieć svaju taru, a potym zapłacić za kožny sabrany kiłahram 12 rubloŭ.
U sacsietkach prapanova vyklikała aktyŭnuju dyskusiju — ludzi spračalisia, ci adekvatna płacić 12 rubloŭ za kiłahram, kab źbirać samastojna, ci praściej nabyć tyja čarešni na Kamaroŭcy pa 10 rubloŭ.
Žurnalist «Naša Nivy» patelefanavaŭ u Instytut pładavodstva jak biełarus, jaki choča paŭdzielničać u zbory. Na pytańnie, čamu taki vysoki košt samazboru jahad, patłumačyli važny niuans:
u vyniku treba apłačvać tolki tyja čarešni, jakija buduć u vašaj tary. Pry hetym nichto nie zabaraniaje jeści jahady ŭ pracesie zboru.
Taksama rastłumačyli, čamu na zbor nielha pryjechać u vychodny dzień ci ŭ budni ŭviečary paśla svajoj pracy. Sprava ŭ tym, što puścić u sad mohuć tolki ŭ pracoŭny čas jaho supracoŭnikaŭ. Bo ŭ pieršuju čarhu tam usio vyroščvajuć dla navukovych met — ale pakolki jahad zašmat, ich hatovy dazvolić sabrać usim achvotnym.
Siońnia byŭ pieršy dzień zboru. Niahledziačy na abureńnie ŭ sacyjalnych sietkach, achvotnych samastojna źbirać čarešni znajšłosia šmat. Adnak ludzi byli niezadavoleny, što na zbor čarešni spatrebiłasia 50 chvilin, a na ich apłatu — bolš za hadzinu. Supracoŭnikam navat pryjšłosia apieratyŭna pryvozić dadatkovyja vahi.
Siamiejnaja dynastyja z Samachvałavičaŭ pad Minskam vyroščvaje 30 tysiač raślin
Na Kamaroŭcy źjavilisia parečki, a čarešni narešcie zraŭnialisia ŭ canie z kłubnicami
Minčanka pabačyła ŭ staličnym supiermarkiecie skrynku hniłych čarešniaŭ
«Treba być s*kaj, kab nie padmanuli?» Biełaruska aburanaja servisam na Kamaroŭskim rynku
Kamientary
[Zredahavana]
[Zredahavana]