Mahiloviec pahladzieŭ u svoj mabilnik: hieałakacyja vyznačałasia jak Smalensk
Rasijskija sistemy REB pryvodziać da zbojaŭ GPS u Biełarusi.
U adnym z profilnych techničnych čataŭ karystalnik-biełarus dałučyŭ skrynšot dadatku kartaŭ u svaim mabilniku i patłumačyŭ, što bačyć siabie ŭ rajonie Smalensku, chacia ŭ hety momant znachodzicca ŭ Mahilovie na 8‑m paviersie šmatkvaternaha doma. Skrynšot datavany siaredzinaj červienia.
Pry spusku ŭniz, na ziamlu, pa słovach hetaha čałavieka, situacyja narmalizavałasia.
Inšyja ŭdzielniki čata ź Biełarusi patłumačyli jamu, što taksama pieryjadyčna fiksujuć takija zboi ŭ svaich mabilnych devajsach, i što čym vyšej adnosna ziamli znachodzicca devajs, tym bolšaja imaviernaść, što jaho kaardynaty buduć źbityja.
Jak možna mierkavać, heta prajava tak zvanaha GPS-spufinhu — padmieny spadarožnikavaha sihnału.
U adroźnieńnie ad hłušeńnia (džeminhu), kali sihnał prosta źnikaje, pry spufinhu naziemny pieradatčyk tranśluje falšyvyja sihnały, macniejšyja za sapraŭdnyja sa spadarožnikaŭ. I tady pryjomnaja pryłada ŭ hetaj zonie — telefon, dron ci samalot — vieryć macniejšamu sihnału i vyličaje niapravilnyja kaardynaty.
Smalensk užo traplaŭ u pole zroku daśledčykaŭ jak krynica spufinhavych pieraškod.
Rasijanie padmianiajuć realnyja kaardynaty dla baraćby z ukrainskimi dronami, jakija atakujuć abjekty na poŭnačy Rasii.
Padmiena kaardynat błytaje zahadzia prakładzienyja maršruty dronaŭ, prymušajučy ich karektavacca ŭ niejki z bakoŭ, advodziačy ad celi. Zaloty ŭkrainskich dronaŭ u Biełaruś nasamreč rehularna fiksujucca miascovymi žycharami.
Spufinh moža mieć niebiaśpiečnyja nastupstvy dla śfier, u jakich važnaja dakładnaja navihacyja. Najpierš heta pytańnie biaśpieki avijacyjnaha ruchu.
-
U Varšavie zatrymali biełarusa i palaka, jakija zdymali mierapryjemstvy biełaruskaj dyjaspary dla prapahandystaŭ
-
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
-
Pamior eks-pasoł Valeryj Bryloŭ
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary
A nie heta duracki ŭltymatum Zialenskaha jaki ledź nie spravakavaŭ uvod rasiejskich vojskaŭ i adkryćcio paŭnočnaha rasiejskaha frontu dla Ukrainy.
Dobra, što va Ukrainie jość techničnyja śpiecyjalisty, jakija mohuć vyrašać pytańni hramatna, a nie samahubča dla Ukrainy.