Kamitet dziaržaŭnaj biaśpieki ŭklučyŭ piać novych proźviščaŭ u pieralik fizičnych asob i arhanizacyj, jakija majuć dačynieńnie da terarystyčnaj dziejnaści. Jaho abnoŭleny varyjant apublikavany na sajcie viedamstva, źviarnuła ŭvahu «Zierkało».
U abnoŭlenym śpisie — čatyry žychary Mahiloŭskaj vobłaści i adzin hramadzianin Rasii ź vidam na žycharstva ŭ Biełarusi, jaki žyvie ŭ Homielskaj vobłaści.
31-hadovy žychar Mahiloŭskaj vobłaści Kanstancin Jermałovič abvinavačvajecca pa:
• st. 289. Akt teraryzmu (maksimalnaje pakarańnie: da śmiarotnaha);
• st. 290. Pahroza ŭčynieńniem akta teraryzmu (maksimalnaje pakarańnie: da vaśmi hadoŭ pazbaŭleńnia voli);
• st. 290-4. Stvareńnie arhanizacyi dla ažyćciaŭleńnia terarystyčnaj dziejnaści abo ŭdzieł u joj (maksimalnaje pakarańnie: da 10 hadoŭ pazbaŭleńnia voli).
28-hadovy žychar Mahiloŭskaj vobłaści Vital Minkievič abvinavačvajecca pa:
• st. 289. Akt teraryzmu (maksimalnaje pakarańnie: da śmiarotnaha);
• st. 290. Pahroza ździajśnieńniem akta teraryzmu (maksimalnaje pakarańnie: da vaśmi hadoŭ pazbaŭleńnia voli).
46-hadovy žychar Mahiloŭskaj vobłaści Ihar Kazłoŭ abvinavačvajecca pa:
• st. 289. Akt teraryzmu (maksimalnaje pakarańnie: až da śmiarotnaha);
• st. 290. Pahroza ździajśnieńniem akta teraryzmu (maksimalnaje pakarańnie: da vaśmi hadoŭ pazbaŭleńnia voli).
28-hadovy žychar Mahiloŭskaj vobłaści Daniła Žaryn abvinavačvajecca pa:
• st. 130. Raspalvańnie rasavaj, nacyjanalnaj, relihijnaj abo inšaj sacyjalnaj varožaści (maksimalnaje pakarańnie: da 12 hadoŭ pazbaŭleńnia voli);
• st. 289. Akt teraryzmu (maksimalnaje pakarańnie: da śmiarotnaha).
23-hadovy žychar Homielskaj vobłaści (pavodle źviestak rasijskich ŚMI — 33-hadovy) Andrej Padniabienny abvinavačvajecca pa art. 289 (Akt teraryzmu).
Pra jaho zatrymańnie paviedamlałasia ŭ kancy minułaha hoda. Andrej Padniabienny źjaŭlajecca hramadzianinam RF ź vidam na žycharstva ŭ Biełarusi. Siłaviki zajaŭlali, što ŭnačy 1 listapada ŭ homielskim tralejbusnym depo №2 byli vyviedzienyja sa stroju 33 tralejbusy. Prakoły šyn zafiksavali ŭ 64 kołach. Taksama byŭ ździejśnieny padpał asabistaha aŭto namieśnika načalnika UDVP MUS pa Homielskaj vobłaści.
Pieršapačatkova byli raspačatyja kryminalnyja spravy pa art. 339 ab chulihanstvie i art. 218 ab naŭmysnym źniščeńni abo paškodžańni čužoj majomaści, ale paźniej ich pierakvalifikavali na art. 289 KK («Akt teraryzmu»).
Z 2020 hoda ŭ śpisie KDB užo bolš za 50 biełarusaŭ, u tym liku Śviatłana Cichanoŭskaja, Pavieł Łatuška dy inšyja.
Kamientary