Грамадства

КДБ уключыў яшчэ некалькі беларусаў у спіс «тэрарыстаў»

Камітэт дзяржаўнай бяспекі ўключыў пяць новых прозвішчаў у пералік фізічных асоб і арганізацый, якія маюць дачыненне да тэрарыстычнай дзейнасці. Яго абноўлены варыянт апублікаваны на сайце ведамства, звярнула ўвагу «Зеркало».

У абноўленым спісе — чатыры жыхары Магілёўскай вобласці і адзін грамадзянін Расіі з відам на жыхарства ў Беларусі, які жыве ў Гомельскай вобласці.

31-гадовы жыхар Магілёўскай вобласці Канстанцін Ермаловіч абвінавачваецца па:

• ст. 289. Акт тэрарызму (максімальнае пакаранне: да смяротнага);

• ст. 290. Пагроза ўчыненнем акта тэрарызму (максімальнае пакаранне: да васьмі гадоў пазбаўлення волі);

• ст. 290-4. Стварэнне арганізацыі для ажыццяўлення тэрарыстычнай дзейнасці або ўдзел у ёй (максімальнае пакаранне: да 10 гадоў пазбаўлення волі).

28-гадовы жыхар Магілёўскай вобласці Віталь Мінкевіч абвінавачваецца па:

• ст. 289. Акт тэрарызму (максімальнае пакаранне: да смяротнага);

• ст. 290. Пагроза здзяйсненнем акта тэрарызму (максімальнае пакаранне: да васьмі гадоў пазбаўлення волі).

46-гадовы жыхар Магілёўскай вобласці Ігар Казлоў абвінавачваецца па:

• ст. 289. Акт тэрарызму (максімальнае пакаранне: аж да смяротнага);

• ст. 290. Пагроза здзяйсненнем акта тэрарызму (максімальнае пакаранне: да васьмі гадоў пазбаўлення волі).

28-гадовы жыхар Магілёўскай вобласці Даніла Жарын абвінавачваецца па:

• ст. 130. Распальванне расавай, нацыянальнай, рэлігійнай або іншай сацыяльнай варожасці (максімальнае пакаранне: да 12 гадоў пазбаўлення волі);

• ст. 289. Акт тэрарызму (максімальнае пакаранне: да смяротнага).

23-гадовы жыхар Гомельскай вобласці (паводле звестак расійскіх СМІ — 33-гадовы) Андрэй Паднябенны абвінавачваецца па арт. 289 (Акт тэрарызму).

Пра яго затрыманне паведамлялася ў канцы мінулага года. Андрэй Паднябенны з'яўляецца грамадзянінам РФ з відам на жыхарства ў Беларусі. Сілавікі заяўлялі, што ўначы 1 лістапада ў гомельскім тралейбусным дэпо №2 былі выведзеныя са строю 33 тралейбусы. Праколы шын зафіксавалі ў 64 колах. Таксама быў здзейснены падпал асабістага аўто намесніка начальніка УДВП МУС па Гомельскай вобласці.

Першапачаткова былі распачатыя крымінальныя справы па арт. 339 аб хуліганстве і арт. 218 аб наўмысным знішчэнні або пашкоджанні чужой маёмасці, але пазней іх перакваліфікавалі на арт. 289 КК («Акт тэрарызму»).

З 2020 года ў спісе КДБ ужо больш за 50 беларусаў, у тым ліку Святлана Ціханоўская, Павел Латушка ды іншыя.

Каментары

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць