Ukrainskaja skakucha ŭ vyšyniu Julija Leŭčanka prakamientavała adkryty list rasijskaj kalehi Maryi Łasickienie kiraŭniku MAK Tomasu Bachu, piša Tribuna.com.
U tym liście skakucha Maryja Łasickienie kazała pra toje, što adchileńnie rasijskich spartoŭcaŭ niapravilnaje, i heta nie tolki nie spyniła vajnu, ale i paradziła novuju, na hety raz kalaspartyŭnuju, jakuju strymać niemahčyma.
«My vas padtrymlivali jak mahli, — kaža Julija Leŭčanka, — Canoj ułasnaj reputacyi nie hublali spačuvańnia. Navat paśla anieksii Kryma i pačatku vajny na ŭschodzie Ukrainy.
Chaciełasia vieryć u dumku «nie ŭsie takija», navat kali vas nie dapuskali na mižnarodnyja starty z-za parušanych praviłaŭ vašaj krainaj. A kali dapuskali, ja asabista ščyra supieražyvała, žadała pośpiechu…
Ale kali ranicaj 24 lutaha adbyłosia poŭnamaštabnaje ŭvarvańnie, u 5 km ad majho doma prylataje rakieta, kali ja dryžu ad strachu ŭ 4 ranicy i nie viedaju, kamu pieršamu patelefanavać. Kali atrymlivaju SMS ad treniera: «Jula, źbiraj sumki» — u adkaz nivodnaha słova z boku rasijskaha spartoŭca… navat naadvarot, kancerty ŭ honar vajny i praktyčna adnahałosnaja padtrymka.
Heta nie sport pa-za palitykaj abo palityka ŭ sporcie. Heta, ##### [čort pabiary], čałaviečyja žyćci! Žyćci! Heta samaje kaštoŭnaje! Heta nie miedali i rekordy!
Heta prava na toje, kab prosta isnavać na hetaj ziamli, chadzić i dychać! Darosłyja, staryja, dzieci … bolšaść siadzić u padvałach, mnohija paranienyja, u mnohich psichałahičnaja traŭma na ŭsio žyćcio, a kahości pazbavili žyćcia!
Vy ličycie, što sport važniejšy za prava žyć? Vas nie dapuskajuć, bo — vy rasijanka?! A nas zabivajuć, prosta bo my — ukraincy! Adčuvajecie roźnicu?!» — napisała Leŭčanka ŭ kamientaryjach.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary