Nieruchomaść

EPAM pradaje šeść kvater u Minsku

Adna z hałoŭnych ajcišnych kampanij krainy pradaje žyllo. Abjavy pra budučy aŭkcyjon, na jakim buduć šukać haspadaroŭ dla šaści minskich kvater, apublikavanyja siońnia ŭ haziecie «Źviazda». Usie łoty raźmieščanyja pa adrasie Franciška Skaryny, 41. Heta panelnaja «śviečka» ŭ PVT 2013 hoda pabudovy, piša Onliner.by.

Važny momant: usie prapanavanyja kvatery znachodziacca na pieršym paviersie. A što pa cenach? Dvuchpakajovyja (kvatery pad numaram 1, 3, 5) płoščaj krychu bolš za 57 kvadratnych mietraŭ startujuć z $60 800 i $60 900 pa kursie. Zadatak, jaki treba ŭnieści, kab stać udzielnikam tarhoŭ, składaje $3040 i $3045 u ekvivalencie.

Z adnapakajoŭkami płoščaj 42,7 kv. m situacyja takaja. Za kvatery pad numarami 2, 4, 6 prosiać pa $46 000 pa kursie. I zadatak u pamiery $2300 u ekvivalencie.

Žyllo pradajecca z meblaj, bytavoj technikaj i nieabchodnymi dla žyćcia drobiaziami. Pryłožkavyja tumbački, fien, piśmovy stoł, naścienny hadzińnik — usio heta ŭžo budzie vas čakać. Poŭny pieralik rečaŭ u kožnaj kvatery možna pahladzieć na sajcie «Instytuta nieruchomaści i acenki».

Krok aŭkcyjonu składaje 1%. Praduhledžanyja i štrafy za admovu ad damovy: $12000 u ekvivalencie pa łotach №1, 3, 5 i $9000 pa kursie pa łotach №2, 4, 6.

Na rasterminoŭku pakupnikam raźličvać nie davodzicca: u praviłach paznačana, što na praciahu 20 kalandarnych dzion paśla zaklučeńnia dahavora kupli-prodažu pieramožca na tarhach pavinien budzie ŭnieści ŭsiu sumu na rachunak ZTAA «EPAM Sistemz».

Aŭkcyjon adbudziecca 19 lipienia ŭ 11:00 pa adrasie: h. Minsk, vuł. Kamsamolskaja, d. 11, 3-ci pavierch, kab. 4. Zajavy prymajucca pa 15 lipienia da 11:00, u pracoŭnyja dni z 8:30 da 12:00, z 13:30 da 16:00 pa adrasie: h. Minsk, vuł. Kamsamolskaja, 11, kab. 7.

Adkryŭšy kožnuju abjavu, vy možacie zaŭvažyć prypisku, što cana ŭkazanaja biez PDV. Ale nie varta pałochacca, jašče 20% ad nazvanaha koštu płacić nie pryjdziecca. Jak udakładnili ŭ «Instytucie nieruchomaści i acenki», žyłaja nieruchomaść u Respublicy Biełaruś PDV nie abkładajecca. Tamu finalnaj stanie taja cana, jakaja budzie ahučanaja ŭ chodzie tarhoŭ. Nijakich niečakanych nadbavak.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Zdajecca, vyznačyłasia samaja modnaja para biełaruskaj apazicyi. Jak vam ich pačućcie stylu?50

Zdajecca, vyznačyłasia samaja modnaja para biełaruskaj apazicyi. Jak vam ich pačućcie stylu?

Usie naviny →
Usie naviny

Seks da šlubu carkva dazvalaje? Adkazvaje śviatar11

Samy rańni dvaccatnik u historyi: u Biełarusi ŭpieršyniu hetaj viasnoj zafiksavana +20°S

Minčanka vyrašyła pradać kvateru: «Ahienty ŭčynili sapraŭdny bytavy i psichałahičny presinh!»1

«My nikoli nie bačyli ničoha padobnaha». Siryjcy raskazvajuć pra šakujučyja sceny zabojstvaŭ ałavitaŭ17

Što z majomaści jość u premjera Turčyna?2

Tramp ciśnie na Zialenskaha: ekśpierty pra žorstki płan prezidenta ZŠA17

Smurod u stalicy. Što ŭ Minsku siońnia adbyvajecca ź jakaściu pavietra?8

Prasoŭvańnie rasijskich vajskoŭcaŭ va Ukrainie praktyčna spyniłasia5

Piać faktaŭ pra novaha premjera Turčyna — lubić baskietboł, pracuje z 14 hadoŭ8

bolš čytanych navin
bolš łajkanych navin

Zdajecca, vyznačyłasia samaja modnaja para biełaruskaj apazicyi. Jak vam ich pačućcie stylu?50

Zdajecca, vyznačyłasia samaja modnaja para biełaruskaj apazicyi. Jak vam ich pačućcie stylu?

Hałoŭnaje
Usie naviny →

Zaŭvaha:

 

 

 

 

Zakryć Paviedamić