Były kiraŭnik «Rasuzbrajeńnia» znojdzieny miortvym u svaim domie ŭ Padmaskoŭi
Byłoha hiendyrektara «Rasuzbrajeńnia» 64-hadovaha Alaksieja Aharova znajšli miortvym u katedžy ŭ Padmaskoŭi, paviedamlaje RIA «Novosti» sa spasyłkaj na krynicu ŭ rasijskich pravaachoŭnych orhanach.
Cieła Aharova było znojdziena 16 červienia. Pa papiarednich źviestkach, śmierć nosić nie kryminalny charaktar, adnak dakładnaja jaje pryčyna budzie vyznačacca pa vynikach ekśpiertyzy.
Alaksiej Aharoŭ uznačalvaŭ «Rasuzbrajeńnie» ŭ 1999-2000 hadach. Za svaju karjeru jon taksama zajmaŭ pasadu pastajannaha pradstaŭnika Rasii pry ABSIE, namieśnika kiraŭnika Administracyi prezidenta i namieśnika sakratara Savieta biaśpieki Rasii.
Śmierć hetaja źviartaje na siabie ŭvahu tamu, što heta nie adzinaja śmierć rasijskaj vysokapastaŭlenaj asoby za apošni čas. Raniej pry roznych dziŭnych abstavinach pamierli ci zahinuli vieteran Słužby zamiežnaj vyviedki hienierał-major u adstaŭcy Leŭ Sockaŭ, były vice-prezident «Hazprambanka» Uładzisłaŭ Avajev razam z žonkaj i dačkoj, były top-mieniedžar «Łukojła» Alaksandr Subocin.
Kamientary