Z 24 červienia ŭ orhanach unutranych spraŭ i ŭnutranych vojskach prachodziać vučeńni «Achova i abarona abjektaŭ na kamunikacyjach». Pra heta paviedamlaje pres-słužba MUS.
«U ramkach pravierki hatoŭnaści siłaŭ terytaryjalnaj abarony da vykanańnia zadač pa pryznačeńni pad achovu buduć uziatyja abjekty na kamunikacyjach, u tym liku čyhunačnyja i aŭtamabilnyja masty», — havorycca ŭ paviedamleńni.
Pavodle MUS, hetyja vučeńni nibyta «spryjajuć pavyšeńniu ŭzroŭniu padrychtoŭki padraździaleńniaŭ, zabieśpiačeńniu hramadskaj biaśpieki, abaronie hramadzian, hramadstva i dziaržavy, biaśpieki i suvierenitetu Respubliki Biełaruś ad złačynnych i inšych supraćpraŭnych zamachaŭ».
Padčas vučeńniaŭ «supracoŭnikam orhanaŭ unutranych spraŭ i vajskoŭcam unutranych vojskaŭ dazvalajecca praviarać na achoŭnych abjektach u hramadzian dakumienty, jakija śviedčać pra ich asobu, patrabavać vykanańnia prapusknoha režymu, a taksama pravodzić asabisty dahlad hramadzian, rečaŭ, jakija pry ich znachodziacca, i transpartnych srodkaŭ».
Kamientary