З 24 чэрвеня ў органах унутраных спраў і ўнутраных войсках праходзяць вучэнні «Ахова і абарона аб'ектаў на камунікацыях». Пра гэта паведамляе прэс-служба МУС.
«У рамках праверкі гатоўнасці сілаў тэрытарыяльнай абароны да выканання задач па прызначэнні пад ахову будуць узятыя аб'екты на камунікацыях, у тым ліку чыгуначныя і аўтамабільныя масты», — гаворыцца ў паведамленні.
Паводле МУС, гэтыя вучэнні нібыта «спрыяюць павышэнню ўзроўню падрыхтоўкі падраздзяленняў, забеспячэнню грамадскай бяспекі, абароне грамадзян, грамадства і дзяржавы, бяспекі і суверэнітэту Рэспублікі Беларусь ад злачынных і іншых супрацьпраўных замахаў».
Падчас вучэнняў «супрацоўнікам органаў унутраных спраў і вайскоўцам унутраных войскаў дазваляецца правяраць на ахоўных аб'ектах у грамадзян дакументы, якія сведчаць пра іх асобу, патрабаваць выканання прапускнога рэжыму, а таксама праводзіць асабісты дагляд грамадзян, рэчаў, якія пры іх знаходзяцца, і транспартных сродкаў».
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары