Pakul čynoŭniki z Rasii pradrakali śvietu naftu pa 400 dalaraŭ, rost cany barela da rekordnych za 14 hadoŭ značeńniaŭ narešcie spyniŭsia i pajšoŭ advarotny praces.
Kaniec palityki «tannych hrošaj», jakuju pravodzili zachodnija centrabanki, rost dalara da 20-hadovych maksimumaŭ i pahroza recesii ŭ suśvietnaj ekanomicy abrynuli naftavyja kaciroŭki na 20% ad pikaŭ, pakazanych u pieršyja tydni vajny.
Na tarhach u sieradu, 6 lipienia, košt fjučarsaŭ na paŭnočnamorski hatunak Brent upieršyniu z krasavika ŭpaŭ nižej za 100 dalaraŭ za barel. Vieraśnioŭskija kantrakty, jakija jašče ŭ pačatku tydnia pradavalisia pa 115 dalaraŭ, apuścilisia da adznaki 98,58, straciŭšy 17% za dva handlovyja dni.
Cana amierykanskaha hatunku WTI prabiła pakazčyk 100 dalaraŭ uniz jašče ŭ aŭtorak, a ŭ sieradu apuściłasia da 96,17 dalara za barel.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary