Пакуль чыноўнікі з Расіі прадракалі свету нафту па 400 даляраў, рост цаны барэля да рэкордных за 14 гадоў значэнняў нарэшце спыніўся і пайшоў адваротны працэс.
Канец палітыкі «танных грошай», якую праводзілі заходнія цэнтрабанкі, рост даляра да 20-гадовых максімумаў і пагроза рэцэсіі ў сусветнай эканоміцы абрынулі нафтавыя каціроўкі на 20% ад пікаў, паказаных у першыя тыдні вайны.
На таргах у сераду, 6 ліпеня, кошт ф'ючарсаў на паўночнаморскі гатунак Brent упершыню з красавіка ўпаў ніжэй за 100 даляраў за барэль. Вераснёўскія кантракты, якія яшчэ ў пачатку тыдня прадаваліся па 115 даляраў, апусціліся да адзнакі 98,58, страціўшы 17% за два гандлёвыя дні.
Цана амерыканскага гатунку WTI прабіла паказчык 100 даляраў уніз яшчэ ў аўторак, а ў сераду апусцілася да 96,17 даляра за барэль.
Каментары