U Minsku adkrylisia školnyja kirmašy. Kolki budzie kaštavać sabrać dzicia ŭ škołu
Va ŭsich rajonach stalicy adkrylisia školnyja kirmašy. Jany buduć pracavać va univiermahach Minska da 10 vieraśnia, paviedamlajuć «Minsk-Naviny».
— CUM, HUM i univiermah «Biełaruś» prapanujuć pakupnikam raznastajnaje pa koleravaj hamie i fasonach adzieńnie dla dziaŭčynak i chłopčykaŭ usich uzrostavych hrup. U asartymiencie bolš za 220 madelaŭ. Siarod ich sarafany, błuzki, kašuli, štany i spadnicy, pinžaki i kamizelki, kaściumy i kamplekty, — adznačyła namieśnica staršyni Minharvykankama Nadzieja Łazarevič.
Da školnaha siezona va ŭniviermahach pradstaŭleny šyroki asartymient dziciačaha abutku — kala 70 madelaŭ dla chłopčykaŭ i dziaŭčynak školnaha ŭzrostu.
Varyjacyi madelaŭ adzieńnia i abutku dazvalajuć padabrać školny ansambl na hust dziciaci. Aryjencirovačny košt aptymalnaj «ekipiroŭki» školnikaŭ małodšych kłasaŭ składaje ad 308 da 1 125 rubloŭ, a staršakłaśnikaŭ — ad 330 da 1 366 rubloŭ. U jaje skład uvachodziać adzieńnie, abutak, hałantarejnyja tavary i školnyja prynaležnaści.
Aryjencirovačny košt aptymalnaha naboru školna-piśmovych i kancylarskich pryładaŭ dla navučencaŭ małodšych kłasaŭ składaje ad 69 da 175 rubloŭ, dla staršakłaśnikaŭ — ad 76 da 251 rubla. Košt školnych rancaŭ i sumak varjirujecca ad 40 da 238 rubloŭ.
Dla stymulavańnia prodažu i pavieličeńnia jaho abjomu handlovyja abjekty Minska aktyŭna vykarystoŭvajuć karty rasterminoŭki kamiercyjnych bankaŭ.
— Šmatdzietnym siemjam i hramadzianam, jakija majuć patrebu ŭ sacyjalnaj padtrymcy, u staličnych univiermahach pastajanna dajucca źnižki 10 %, — źviarnuła ŭvahu N. Łazarevič.
-
U Smalensku asudzili hramadzianina Rasii, jaki ŭ 2020‑m pahražaŭ ustavić pałku śpiecnazaŭcu z v/č 3214, što ŭdzielničaŭ u razhonie pratestaŭ
-
Sud u Kijevie admoviŭsia vyzvalić z-pad varty padazravanuju ŭ špijanažy Inu Kardaš
-
MZS Biełarusi nazvaŭ jadziernuju zbroju «najbolš racyjanalnaj mieraj nacbiaśpieki»
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała21
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu4949
Kamientary