Dakład ab rasśledavańni, praviedzienym ICAO, apublikavany na šaści movach na sajcie arhanizacyi. Mižnarodnaja arhanizacyja hramadzianskaj avijacyi hruntuje svaje vysnovy ŭ tym liku na materyjałach, atrymanych ad dyśpietčara aeraporta «Minsk». Ën zapisaŭ zahady biełaruskaha śpiecsłužbista na telefon i vyviez ich za miažu.
Rada ICAO prychodzić da vysnovy, što infarmacyja pra pahrozu vybuchu ŭ dačynieńni da rejsa FR4978 Ryanair była zahadzia iłžyvaj i pahražała jaho biaśpiecy, i, akramia taho, što hetaja infarmacyja była daviedzienaja da ekipaža pa ŭkazańni vysokapastaŭlenych słužbovych asob urada Biełarusi.
U apublikavanaj spravazdačy jość dźvie rasšyfroŭki zapisaŭ. Adzin — dapoŭnieny zapis pieramovaŭ z dyśpietčarskaj, dzie akramia samoha dyśpietčara i jaho načalnika, prysutničaje nienazvanaja piersona, jakaja padkazvaje repliki (pry hetym niekalki razoŭ kansultujučysia jašče z kimści pa telefonie). Mienavita hetaja piersona kaža pieradać ekipažu pra toje, što paviedamleńnie pra bombu było razasłanaje ŭ niekalki aeraportaŭ i što kod pahrozy «čyrvony» (pry čyrvonym kodzie kamandzir pavietranaha sudna pavinien pryziamlicca ŭ najbližejšym aeraporcie pa ŭkazańni centra kiravańnia pavietranymi palotami abo nacyjanalnych uładaŭ). Zapis byŭ zrobleny na telefon dyśpietčara, jaki paśla ŭciok ź Biełarusi.
Druhi zapis — z kabinieta, dzie abmiarkoŭvajecca ŭniasieńnie karekcirovak u pakazańni «dla bolš detalovaj pryviazki da radyjoabmienu». Z prysutnych: namieśnik dyrektara Biełaeranavihacyi, dyśpietčar i jaho kiraŭnik. Zapis znoŭ ža zrobleny na telefon.
Padčas rasśledavańnia nie było znojdziena nijakich dokazaŭ supravadžeńnia ci pierachopu rejsa vajskovym samalotam.
-
U Vilni prajšła akcyja salidarnaści z eks-kalinoŭcam Vieramiejčykam, jakoha departavali ŭ Biełaruś FOTA
-
Jak pomniki rusifikujuć Biełaruś? Padliki pra toje, kolki pomnikaŭ pryśviečanyja savieckaj historyi, a kolki — nacyjanalnaj
-
Na hałoŭnaj jełcy Bresta zamiest Viflejemskaj zorki pastavili «vajennuju». I heta ŭžo nie pieršy raz
Kamientary