Zaŭtra ŭ Homieli adbudziecca, mahčyma, apošniaje sudovaje pasiadžeńnie pa spravie Iryny Słaŭnikavaj
Zaŭtra ŭ Homieli adbudziecca, mahčyma, apošniaje sudovaje pasiadžeńnie pa spravie biełaruskaj žurnalistki, supracoŭnicy TVP Iryny Słaŭnikavaj. Pra heta ŭ Fejsbuku napisaŭ jaje kaleha Alaksiej Dzikavicki.
Irynie Słaŭnikavaj pahražaje da siami hadoŭ turmy.
«Chunta choča raspravicca z prafiesijanałkaj, patryjotkaj, niazłomnym u svaich pierakanańniach čałaviekam. Hetaksama, jak napiaredadni raspraviłasia z Kaciarynaj Andrejevaj, prysudziŭšy joj vosiem hadoŭ pałonu. I heta tolki za toje, što kalažanki zajmalisia sapraŭdnaj ŽURNALISTYKAJ, jakaja, u adroźnieńnie ad tupoj prapahandy, zaŭsiody niesła tolki karyść lubomu hramadstvu», — napisaŭ Dzikavicki.
U suviazi z tym, što sud prachodzić u zakrytym režymie, padrabiaznaści razhladu spravy žurnalistki nieviadomyja.
Sud nad žurnalistkaj pačaŭsia siońnia, 23 červienia. Jana była zatrymanaja ŭ kastryčniku 2021 hoda ŭ aeraporcie. Dvojčy jaje asudžali na 15 sutak administracyjnaha aryštu, a potym zrabili padazravanaj pa kryminalnaj spravie.
Jaje abvinavačvajuć pavodle artykułaŭ «Arhanizacyja i padrychtoŭka dziejańniaŭ, jakija hruba parušajuć hramadski paradak» (art. 342 KK) i «Stvareńnie ekstremisckaha farmavańnia» (č. 1 art. 361-1 KK).
Žurnalistcy inkryminujecca ŭdzieł u akcyi pratestu 30 žniŭnia 2022 hoda, a taksama toje, što jana «abjadnała hrupu hramadzian, jakija pad jaje kiravańniem i kantrolem stvarali i raźmiaščali ekstremisckija materyjały na šmatlikich polskich miedyjaresursach», «farmavała skład supolnaści, raźmiarkoŭvała roli, karektavała navinnuju paviestku, materyjalna zabiaśpiečvała i finansavała dziejnaść złačynnaj hrupy».
Ciapier čytajuć
Chto toj chłopiec, jaki čakaŭ dziaŭčynu pad daždžom u Minsku? Vy dakładna bačyli toje ramantyčnaje videa9
Kamientary