U Stambule padpisali pahadnieńnie ab razbłakavańni ŭkrainskich partoŭ dla vyvazu zbožža
Padpisany dakumient nazyvajecca «Inicyjatyva pa biaśpiečnym transpartavańni zbožža i praduktaŭ charčavańnia z ukrainskich partoŭ». Pry hetym Ukraina nie padpisvała nijakich dakumientaŭ niepasredna z Rasijaj. Inicyjatyva, padpisanaja pradstaŭnikami Turcyi, AAN i Ukrainy, pavinna być zaćvierdžanaja Kabinietam ministraŭ i apublikavanaja ŭ poŭnym abjomie. Taki ž dakumient asobna padpisali pradstaŭniki Turcyi, AAN i Rasii. Z ukrainskaha boku dakumient padpisaŭ ministr infrastruktury Alaksandr Kubrakoŭ. Padpisant z rasijskaha boku — ministr abarony Siarhiej Šajhu.
Pahadnieńnie praduhledžvaje, što kantrol za partami «Adesa», «Čarnamorsk» i «Paŭdniovy» całkam zastajecca za ŭkrainskim bokam. Znachodžańnie ŭ hetych partach nijakich inšych sudnaŭ, akramia tych, jakija pavinny zabiaśpiečvać ekspart zbožža i źviazanych ź im charčovych praduktaŭ i ŭhnajeńniaŭ, nie praduhledžvajecca.
Dakumient nie praduhledžvaje taksama pasłableńnia sankcyj u dačynieńni da Rasii, a taksama nijakaha transpartnaha supravadžeńnia rasijskimi karablami ŭkrainskich sudnaŭ.
U Stambule pad ehidaj AAN budzie stvorany sumiesny kaardynacyjny centr (SKC), u jaki ŭvojduć pradstaŭniki Ukrainy, Rasii, Turcyi i AAN. Hety centr budzie ździajśniać ahulny nahlad za vykanańniem inicyjatyvy. Im buduć stvoranyja inśpiekcyjnyja hrupy.
Usie handlovyja sudny, jakija ŭdzielničajuć u hetaj inicyjatyvie, buduć padlahać inśpiekcyi, jakuju pravodzić inśpiekcyjnaja hrupa ŭ havaniach, vyznačanych Turcyjaj, na ŭvachodzie/vychadzie ŭ/z tureckaha praliva.
Usia dziejnaść va ŭkrainskich terytaryjalnych vodach budzie ździajśniacca pad uładaj i adkaznaściu Ukrainy. Nijakija vajskovyja karabli, samaloty, bieśpiłotnyja latalnyja aparaty nie mohuć nabližacca da marskoha humanitarnaha kalidora bližej, čym na adlehłaść, uzhodnienuju SKC.
Dahavor budzie dziejničać 120 dzion z daty padpisańnia i budzie aŭtamatyčna praciahnuty, kali ni adzin z bakoŭ nie paviedamić, što choča jaho spynić.
-
Pieramovy Rasii i ZŠA ŭ Er-Ryjadzie zaviaršylisia, pra vyniki paviedamiać zaŭtra
-
Rasija na pieramovach u Saudaŭskaj Aravii patrabuje ŭsiu terytoryju čatyroch ukrainskich abłaściej
-
Daradca Trampa pa nacbiaśpiecy vypadkova dadaŭ žurnalista ŭ sakretny čat u Signal. Raskrytyja miechanizmy pryniaćcia rašeńniaŭ
Kamientary