Začystka miedykaŭ u «Łade»: zvalniajuć «niełajalnych» daktaroŭ, niekatoryja pad śledstvam
Pa infarmacyi «Našaj Nivy», u miedcentr spuścili śpisy «niapravilnych» supracoŭnikaŭ. Miedykaŭ prymušajuć zvalniacca, prapanujuć zapisvać pakajalnyja videa.
Niekalki krynic paćvierdzili «Našaj Nivie», što ŭ pryvatnym miedcentry «Łade» pačalisia čystki. Śpis niełajalnych miedykaŭ pryjšoŭ «źvierchu». Ludziam, čyje imiony ŭ śpisie, paviedamlajuć, što ź imi nie mohuć praciahvać supracoŭnictva. Takija čystki zapuskajuć nie pa inicyjatyvie centra, a pa ŭstanoŭcy inšych orhanaŭ.
«Niekatorym prapanujuć uziać ich na paruki abo arhanizavać pakajalnaje videa ci list. Ludzi reahujuć pa-roznamu. U asnoŭnym kažuć, što asabliva niama ŭ čym kajacca», — raskazvajuć «Našaj Nivie».
Taksama miedykam pahražajuć, što daktaram sa śpisu budzie zabaronienaja praca va ŭsich miedycynskich centrach.
Viadoma, što niekalki viadučych śpiecyjalistaŭ chirurhičnych śpiecyjalnaściaŭ pad śledstvam, u śpisie na zvalnieńnie bolš za dziasiatak daktaroŭ.
Tym časam pakajalnyja roliki miedykaŭ (pakul što ź dziaržaŭnych ustanoŭ) pačali źjaŭlacca ŭ «Minskaj praŭdzie» — vydańni, jakoje stała adnym z samych adyjoznych i chamskich ruparaŭ prapahandy. Miedrabotniki raskazvajuć, što vychodzili na pratesty ŭ 2020 hodzie «pad ciskam sacsietak», a ciapier škadujuć. Taksama ŭ videarolikach miedyki kažuć, što ich zadavalniaje zarobak i im padabajecca žyć i pracavać u siońniašniaj Biełarusi.
Kubrakoŭ davodziŭ, što milicyjant Zhirski nie datyčny da bandy nalotčykaŭ. Ciapier taho sudziać — pahražaje da 20 hadoŭ3
Kamientary