Biełaruskamoŭny kačahar adsudziŭ kampiensacyju za śpiecabutak, jaki jamu admaŭlalisia vydavać.
Biełaruskamoŭny połacki kačahar Uładzimier Hubski adsudziŭ u kiraunictva ŽKH hrašovuju kampiensacyju za śpiecabutak. U siužecie prahramy «Asabisty kapitał» daje parady pra toje, jak na praktycy abaranić svaje pracoŭnyja pravy.
17 hod spadar Uładzimier adpracavaŭ u kacielni na ćviordym palivie: kałoŭ drovy, zakidvaŭ vuhal, vyhrabaŭ popieł. I za uvieś čas pracy ni razu nie atrymaŭ ad načalstva ŽKH naležny śpiecabutak, sam zabiaśpiečvaŭ svaju techniku biaśpieki.
U sistemie biełaruskaj žyllova-kamunalnaj haspadarki prablema śpiecvopratki i śpiecabutku davoli raspaŭsiudžanaja. Kačahary, dvorniki, ramontnyja rabočyja — tyja, kamu vypadaje ciažejšaja praca, čaściakom sami kuplajuć sabie i formu i navat instrumanty.
Pry hetym śpiecvopratku ŭ Biełarusi šyjuć bolš za 5 socień fabryk, firmaŭ, pradprymalnikaŭ. Navat papraŭčyja kałonii. Dla kamunalščykaŭ, jak i dla miedykaŭ, milicyjantaŭ, navat vajskoŭcaŭ. Adzin rabočy harnitur i adnu paru śpiecabutku na hod pracadaŭcy abaviazanyja nabyć dla kožnaha rabočaha, albo addać jamu kampiensacyju hrašyma.
Baranić svaje pracoŭnyja pravy rabotniku varta ad samaha pačatku. Što praŭda, najmalniki zvyčajna nie lubiać nadta aktyŭnych rabotnikaŭ. Tamu važna jurydyčna pravilna arhanizoŭvać svaje patrabavańni.
Padrabiaźniej — u siužecie prahramy «Asabisty kapitał» na telekanale «Biełsat»:
Kamientary