Paviedamlajecca pra nadzvyčaj ciažki stan zdaroŭja kiraŭnika akupacyjnaj ułady na Chiersonščynie Uładzimira Salda. Kałabaranta ŭviali ŭ miedykamientoznuju komu, paviedamlajuć rasijskija prapahandysckija ŚMI.
Jon znachodziŭsia ŭ Krymie na aparacie ŠVŁ, a ciapier jaho śpiecbortam špitalizujuć u adnu z maskoŭskich balnic — siońnia Salda stała jašče horš.
U adnym ź niadaŭnich dopisaŭ u asabistym telehram-kanale Salda źjaviŭsia dopis, što jon pa stanie zdaroŭja prypyniaje vykanańnie svaich abaviazkaŭ.
Miarkujecca, što Salda mahli atrucić. Jahonyja kroŭ i maču nibyta terminova nakiravali ŭ taksikałohiju na daśledavańnie. Vyniki analizaŭ kryvi mohuć rastłumačyć, ci jość u jaho arhaniźmie niejkaja atruta, tolki praź niekalki dzion. Pieršapačatkova miedyki padazravali infarkt i insult, ale hety dyjahnaz nie paćvierdziŭsia.
U toj ža čas namieśnik Salda pa kałabaracyjnaj administracyi Kirył Stremavusaŭ nazyvaje infarmacyju pra komu šefa «čutkami». Maŭlaŭ, jahonaja chvaroba — «vynik najciažejšaha pieranapružańnia, fizičnaha i psichičnaha, jakoje kiraŭnik administracyi pieranios za apošnija 6 miesiacaŭ».
Jak ciapier vyhladaje palitźniavoleny Ihar Łosik FOTA7
Kamientary