Padtapleńnie daroh i padzieńnie dreŭ. U MNS nazvali faktary niebiaśpieki na 7 žniŭnia
Pa ŭschodniaj pałovie Biełarusi 7 žniŭnia miescami čakajucca navalnicy, mocnyja liŭni i škvalistaje ŭzmacnieńnie vietru, u asobnych rajonach — hrad. U MNS nazvali źviazanyja z hetym faktary niebiaśpieki.
U hety dzień vysokaja imaviernaść hibieli ludziej na vadzie pry kupańni. Mahčymyja paškodžańnie (abvalvańnie) słaba ŭmacavanych kanstrukcyj, dachaŭ budynkaŭ, abryŭ linij suviazi i elektrapieradač, padzieńnie słaba ŭmacavanych kanstrukcyj i dreŭ, padtapleńnie asobnych damoŭ, haspadarčych pabudoŭ, aharodaŭ, sielhasuhodździaŭ, aŭtadaroh miascovaha značeńnia. Nie vyklučajecca rost kolkaści DTZ i niaštatnych situacyj na sistemach žyćciezabieśpiačeńnia i enierhietyki.
7 žniŭnia ŭ Biełarusi pieramiennaja vobłačnaść. Pa ŭschodniaj pałovie krainy prahnazujucca karotkačasovyja daždžy, navalnicy. Miescami projduć mocnyja liŭni, u asobnych rajonach pa paŭdniovym uschodzie mahčymy hrad. Viecier paŭnočny, paŭnočna-zachodni, 4-9 m/s, pry navalnicach paryvy da 14 m/s, miescami škvalistaje ŭzmacnieńnie vietru 15-20 m/s. Z-za niespryjalnych umoŭ nadvorja abvieščany aranžavy ŭzrovień niebiaśpieki.
Dzionnaja tempieratura pavietra pa krainie składzie +19 — +25 °S. U Minsku bieź istotnych apadkaŭ, ranicaj +14 — +17 °S, dniom +21 — +23 °S, viečaram +17 — +20 °S.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii25
Kamientary