Žurnalist Dźmitryj Hurnievič, hartajučy stužku navin ad BiełTA, źviarnuŭ uvahu na prapahandyscki pierapost nibyta z polskaha telehram-kanała i tłumačyć u fejsbuku, čamu vidavočny fejk tut navat nie tak sama infarmacyja, jak jaje krynica.
Na Biełcie navina: Polskije Telegram-kanały učat svoich podpisčikov, kak zamoraživať chleb, čtoby on sochraniłsia podolšie.
Pakiniem u baku toj fakt, što telehram uvohule nie źjaŭlajecca dla palakaŭ krynicaj infarmacyi. Dla ich telehram — heta jak dla biełarusaŭ Tumblr: moža, čuli, paru tysiač ci dziesiatkaŭ navat raz ci dva byli, ale nie bolš za toje.
Nu, ale dapuścim, niechta ŭ Biełarusi vieryć, što miljony palakaŭ tam zavisajuć (polskija ŚMI i błohiery tam prosta nie prysutničajuć). Zachodzim pa spasyłcy dalej — jana viadzie na staronku Sałaŭjova. U jaho, u svaju čarhu, niama nijakich spasyłak na telehram-kanały, a jość skryn ź niejkaha adnaho kanała. Adnaho, chacia ŭ navinie fihurujuć telehram-kanały ŭ množnym liku.
Zachodzim u toj kanał. U jaho 9 tysiač padpisčykaŭ. Znachodzim dopis z paradaj zamarožvać chleb (za try dni jaho pračytali 370 čałaviek).
I što adrazu čaplaje? Što zahałoŭki mnohich dopisaŭ u kanale napisanyja z pamyłkami, vidavočna, što praz huhłtransłejt, u tym liku i zhadany, pra chleb. Tam pamyłka, jakuju palak prosta nie moža dapuścić. Sam tekst dopisu taksama zrobleny aby-jak, aŭtar nibyta spasyłajecca na niejki partał, ale sam partał nie nazyvajecca.
Vidavočna, što aŭtar skapijavaŭ tekst z polskaj naviny, ale nie da kanca zrazumieŭ usie vyrazy i tamu nie paličyŭ nieabchodnym, kab jaho padkarektavać. Prydumaŭ siensacyjny zahałovak, pierakłaŭ praź nie idealny huhł i vystaviŭ jak jość, bo palaka, kab pravieryć, pobač nie było.
Vidavočna, što kab cytavać «haračyja naviny», prapahandysty sami stvarajuć «ŚMI», jakija jany cytujuć. Ale robicca heta nastolki brudna i prymityŭna, što navat ciažka ŭjavić adrasata takich fejkaŭ, kali heta nie ščyryja čytačy Biełty i Sałaŭjova, što samo pa sabie dyjahnaz.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary