Staršynia suda Chojnickaha rajona paprasiŭsia ŭ adstaŭku pa ŭłasnym žadańni
Alaksandr Łukašenka padpisaŭ ukaz ab pryznačeńniach i pierastanoŭkach siarod sudździaŭ. Farmalna ich usich — navat na rajonnym uzroŭni — pryznačaje kiraŭnik dziaržavy.
Ahułam u dakumiencie ŭzhadvajecca 77 sudździaŭ. Ale nasamreč z absalutnaj bolšaściu ź ich prosta byli zaklučanyja novyja kantrakty, a sami jany zastalisia na raniejšaj pasadzie.
U adstaŭku adpraŭlena siem sudździaŭ. Źviartaje na siabie ŭvahu staršynia Chojnickaha suda Juryj Krykun — jon adziny, chto zvolniŭsia pa ŭłasnym žadańni.
Krykunu 45 hadoŭ. Jon były milicyjanier. U statusie sudździ adpracavaŭ bolš za 20 hadoŭ — u Žłobinie, Łojevie, Rečycy i ŭrešcie ŭ Chojnikach. Baza «Zubr» nie ŭtrymlivaje dokazaŭ taho, kab Krykun ułasnaručna vynosiŭ palityčnyja rašeńni — zrešty, i pratesnaj aktyŭnaści ŭ Chojnikach było niašmat, — adnak zaplamilisia jaho padnačalenyja, jakija sadžali ludziej na sutki.
Kiravać Chojnickim sudom zamiest Krykuna pastavili Stanisłava Ivaniucienku z Rečycy. A voś hety jakraz udzielničaŭ u palityčnym pieraśledzie. Pakolki ŭ Rečyckim rajonie znachodzicca žanočaja kałonija dla paŭtorna asudžanych, to palityčnyja spravy za «niepadparadkavańnie administracyi» razhladajucca mienavita tut. U pryvatnaści, Ivaniucienka pryznačyŭ dadatkovy hod źniavoleńnia palitźniavolenaj Viktoryi Kulšy.
Kamientary