Słužba biaśpieki Ukrainy paviedamiła ab raskryćci asobaŭ jašče 8 maradzioraŭ z rasijskaj armii, jakija adpraŭlali narabavanaje va ŭkrainskaj Bučy dadomu ŭ Rasiju z pošty ŭ Mazyry. Bolšaść ź ich — rashvardziejcy. Siarod ich jość i desantnik—hvardziejec z akupavanaha Kryma.
«Znachodziačysia na časova akupavanaj terytoryi Kijeŭskaj vobłaści, zachopniki pravodzili tak zvanyja «začystki» nasielenych punktaŭ: rabavali majomaść miascovych žycharoŭ i maradzioryli zakinutyja damy, kab paśla adpravić usio heta svaim rodnym», — havorycca ŭ paviedamleńni viedamstva.
Jak adznačaje SBU, śledčyja sabrali biezumoŭnyja dokazy parušeńnia imi zakonaŭ i zvyčajaŭ vajny.
Pa źviestkach SBU, z 24 lutaha pa 31 sakavika ŭ Bučy hetyja ludzi źbirali kamputarnuju i bytavuju techniku, juvielirnyja vyraby, hadžety, adzieńnie, pradukty charčavańnia i adpraŭlali heta adrasatam u Ałtajskim i Chabaraŭskam krajach, Sachalinie z paštovaha adździaleńnia ŭ Mazyry.
Usim im vystaŭlena abvinavačvańnie pa č. 1 art. 438 («Parušeńnie zakonaŭ i zvyčajaŭ vajny») Kryminalnaha kodeksa Ukrainy. Artykuł praduhledžvaje pakarańnie ŭ vyhladzie pazbaŭleńnia voli terminam ad vaśmi da dvanaccaci hadoŭ.
Praŭda, raniejšaje abviaščeńnie ŭkrainskimi dziaržaŭnymi orhanami ab vyśviatleńni asoby maradziora skončyłasia peŭnym kanfuzam. U krasaviku telehram-kanał «Biełaruski Hajun» apublikavaŭ niekalki videa z adździaleńniaŭ słužby dastaŭki SDEK u Mazyry, na jakich vidać, jak rasijskija vajskoŭcy adpraŭlajuć vielizarnyja pasyłki ŭ Rasiju. Na videa trapiŭ i 35-hadovy Siarhiej Kałacej. Jon adpraŭlaŭ va Uljanaŭsk viečka bahažnika (na kadrach jon byŭ u cyvilnaj vopratcy). Nieŭzabavie Hienprakuratura Ukrainy abvinavaciła Kałaceja ŭ zabojstvie mirnych žycharoŭ Bučy i nazvała kamandziram padraździaleńnia Nacyjanalnaj hvardyi Rasii z Uljanaŭskaj vobłaści.
Sam Kałacej adchilaje ŭsie abvinavačańni i kaža, što nijak nie źviazany z vajskovymi abo siłavymi strukturami, tym bolš rasijskimi. I sapraŭdy — za toj čas, jaki prajšoŭ ad abnarodvańnia infarmacyi, Hienprakuratura Ukrainy pakul tak i nie pryviała kankretnych dokazaŭ jahonaj viny.
Čytajcie taksama:
Biełarus, jakoha abvinavacili ŭ zabojstvach u Bučy, raskazaŭ, što było paśla
«Dokazaŭ dastatkova». Ukrainskaja prakuratura pra datyčnaść žychara Mazyra da zabojstvaŭ u Bučy
Siarhiej Kałacej, abvinavačany ŭ złačynstvach u Bučy, patłumačyŭ situacyju ŭ Instagram
Pieršy abvinavačany ŭ zabojstvach u Bučy biełarus? Moža być pamyłka: hety čałaviek dvojčy sudzimy
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady31
Kamientary