Stvaralnik Telehrama Pavieł Duraŭ, uražany vynikami niadaŭniaha aŭkcyjona wallet-imionaŭ TON (The Open Network), anansavaŭ stvareńnie placoŭki, na jakoj možna budzie kupić abo pradać juziernejmy ŭ telehramie, a ŭ budučyni i inšyja elemienty ekasistemy, uklučajučy stykiery abo emodzi.
«Kali TON zmoh damahčysia takich uražlivych vynikaŭ, to ŭjavicie, nakolki paśpiachovym moža być Telegram ź jahonymi 700 miljonami karystalnikaŭ, kali vystavić na aŭkcyjon damiennyja imiony karystalnikaŭ», — adznačyŭ Duraŭ.
Akramia miljonaŭ «pryhožych» zareziervavanych adrasoŭ, nakštałt @storm abo @royal, možna było b vystavić na prodaž usie čatyrochlitarnyja imiony karystalnikaŭ (@bank, @club, @game, @gift i inšyja). Heta moža stać častkaj płatformy, dzie ŭładalniki juzernejmov mahli b pieradavać ich zacikaŭlenym asobam u ramkach abaronienych ździełak — z zamacavańniem pravoŭ ułasnaści ŭ błokčejnie pry dapamozie smart-kantraktaŭ, padobna da NFT.
Inšyja elemienty ekasistemy telehrama, uklučajučy kanały, stykiery abo emodzi, paśla taksama mohuć stać častkaj hetaha rynku. Pry hetym u jakaści bazavaha błakčejnu kamanda miesendžara schilajecca vybrać TON, bo mienavita dla jaho jana «moža stvarać kulenieprabivalnyja smart-kantrakty».
Kamientary