«Tyhraniom adzieŭsia kot i pryjšoŭ na Novy hod». Novy multvierš ad Andreja Skurko
Našaniviec i palitviazień Andrej Skurko znachodzicca za kratami ź lipienia 2021 hoda. U źniavoleńni jon adkryŭ u sabie vybitny talent dziciačaha piśmieńnika.
Jon piša vieršy dla svajho maleńkaha syna Tamašyka, a kamanda «Bejbusa» zdymaje pa ich mini-multfilmy. Tvorčaść našaha kalehi stała sapraŭdnym padarunkam dla ŭsich biełaruskich dzietak i ich baćkoŭ.
Siońnia prapanujem vam novy vierš «Ranišnik» — pra toje, jak kot pryjšoŭ na dziciačaje śviata, pieraapranuŭšysia ŭ tyhraniatka.
Hladzicie, čytajcie i vučycie jaho sa svaimi dzietkami. Andreju budzie pryjemna.
A tym časam hetyja vioršy ciapier možna pračytać i na papiery. Dniami ŭ vydaviectvie «Technałohija» vyjšła kniha Andreja Skurko «Pra słanoŭ i barsučkoŭ». U joj 65 vieršaŭ, na kožnaj staroncy — jarkija malunki, a ŭ kancy knihi — QR-kod, pa jakim možna hladzieć hetyja ž vieršy ŭ multfilmach.
Knižka ŭ apravie (ćviordaja vokładka), na dobraj papiery. Nabyć možna samavyvazam u Minsku, a taksama z dastaŭkaj pa Biełarusi i za miažu (płaciažy prachodziać, pošta pracuje vydatna), paviedamlaje «Technałohija».
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary