Ukrainie pieradaduć mini-drony vahoj 33 hramy. Raskazvajem, čym jany asablivyja i jak dapamohuć armii VIDEA
Stała viadoma, što ŭ miežach novaha pakietu dapamohi Ukrainie Brytanija i Narviehija pieradaduć minijaciurnyja raźviedvalnyja drony. Daviedalisia, u čym ich admietnaść.
Kijevu pastaviać 850 minijaciurnych bieśpiłotnikaŭ ad kampanii FLIR Systems i navučać ukraincaŭ imi karystacca. Jany najmienšyja ŭ śviecie, ale ŭžo dakazali svaju karyść. Heta ŭžo ich treciaje pakaleńnie, a vykarystoŭvajuć ich u bolš, čym 20 armijach śvietu.
Vaha adnaho drona składaje mienš za 33 hramy, a pamiery — 10 na 2.5 santymietra. Pry hetym jon moža lotać na adlehłaść da dvuch kiłamietraŭ i trymacca ŭ pavietry da 25 chvilinaŭ, a maksimalnaja chutkaść aparata dasiahaje 21 kiłamietra ŭ hadzinu.
Taksama na im staić davoli mahutnaja kamiera. Jana dazvalaje zdymać fota ŭ razroźnieńni da 1600*1200, a videa — u razroźnieńni da 640*480. Na bieśpiłotnikach staić taksama ciepłavizar, jaki dazvalaje im pracavać unačy. Dziakujučy novamu ciepłavizijnamu datčyku FLIR Lepton i novaj HD-kamiery, sistema zabiaśpiečvaje chutkuju i nadziejnuju apracoŭku vyjavaŭ.
Novaja modulnaja kanstrukcyja dazvalaje chutka zamianiać akumulatary i bartavyja sensary, dazvalajučy apierataru chutka padrychtavać bieśpiłotniki da novych misijaŭ. Taksama jon pracuje vielmi cicha, što ŭskładniaje jaho identyfikacyju.
Akramia ŭsiaho inšaha, kiravać im vielmi lohka. Treba prajści minimalnuju padrychtoŭku dla paśpiachovaha razhortvańnia ŭsioj sistemy.
Apieratary mohuć lohka stvarać profili palotu, paznačać maršruty i pryznačać zadačy dla Black Hornet. Naprykład, apieratary mohuć daručyć bieśpiłotniku spyniacca ŭ peŭnych kropkach i skanavać miascovaść na 360 hradusaŭ.
Bieśpiłotnik moža lotać navat u zonach, dzie niama pakryćcia GPS. Heta dazvalaje jamu pracavać unutry budynkaŭ i navat u piačorach i schoviščach. Sistema kiravańnia dazvalaje jamu nadziejna i ŭstojliva pracavać za miežami pramoj bačnaści.
Bazavy kamplekt uklučaje ŭ siabie sam aparat i ekran dla kiravańnia, jaki dazvalaje kiravać dvuma bieśpiłotnikami adnačasova. Minimalny košt adnaho kamplektu — kala 40 tysiač dalaraŭ.
Kampanija prapanuje taksama cikavaje pašyreńnie — puskavuju ŭstanoŭku Black Hornet VRS. Jana dazvalaje abstalavać mašyny sistemaj nazirańnia i raźviedki. Black Hornet VRS mancirujecca zvonku i całkam intehrujecca ŭ transpartny srodak, stvarajučy sistemu, jakaja zabiaśpiečvaje mahčymaść vieści nazirańnie dla ekipaža, abaronienaha ŭnutry transpartnaha srodku.
Asnoŭnaje prymianieńnie biespliotnikaŭ Black Hornet — heta raźviedka ŭ situacyjach, kali vorah znachodzicca davoli blizka i šturm zakrytych pamiaškańniaŭ. Bieśpiłotnik stvorany, kab źnizić straty siarod asabistaha składu vajskoŭcaŭ i zrabić vyviedku bolš efiektyŭnaj.
Aparat užo vyprabavany ŭ armijach NATA. U 2013 hodzie brytanski major Adam Foden raspavioŭ Daily Mail, što Black Hornet byŭ karysnym na poli boju ŭ Afhanistanie. «Raniej my pasyłali sałdat napierad, kab pravieryć, ci nie chavajucca varožyja bajcy ŭ šerahu budynkaŭ», — skazaŭ jon. — Ciapier my nakiroŭvajem Black Hornet, kab zazirnuć unutr i prakłaści maršrut praz terytoryi, zaniatyja voraham».
Ahulnaja suma pastavak hetych bieśpiłotnikaŭ va Ukrainu — 9 miljonaŭ dalaraŭ razam z navučańniem.
Čytajcie jašče:
Hiermanija daść Ukrainie vysokadakładnyja snarady Vulcano. Što heta za zbroja?
Ukraincy nabyli praryŭny spadarožnik na hrošy z Bajraktaraŭ. Raskazvajem, jakija pieravahi jon im daje i jak pracuje
ZŠA płanujuć pieradać Kijevu kiravanyja snarady Excalibur
Što čakaje Biełaruś u bližejšyja piać hadoŭ? A Rasiju i Jeŭropu? Śpiecdakładčyk AAN pa Biełarusi daje svoj raskład11
Kamientary