Na novaj ekaściežcy parvaŭsia adzin hamak, tamu prybrali ŭsie astatnija
Litaralna dva dni tamu va ŭsich rajonach Minska adkryli novyja zony adpačynku, jakija abstalavali ŭ jakaści padarunka staličnym žycharam da Dnia horada. U Partyzanskim rajonie ŭtulnaje miesca dla volnaha času na pryrodzie ŭładkavali ŭ lesaparku ŭ miežach vuł. Sołtysa i Vaŭpšasava i dali jamu nazvu — ekaściežka «Lasnoje carstva». Adnak, jak paviedamiŭ «Minsk-Navinam» namieśnik kiraŭnika administracyi Partyzanskaha rajona Uładzimir Lebiedź, častka dobraŭparadkavańnia ŭžo paciarpieła ad ruk vandałaŭ.
U zonie adpačynku ŭładkavali «basanohuju» ściežku, ustalavali dziciačyja i spartyŭnyja placoŭki, viarovačny haradok, dekaratyŭny manhał u vyhladzie Źmieja Harynyča na ŭvachodzie. Źjaviłasia i zona dla cichaha adpačynku z arelami-łaŭkaj i tryma hamakami. Adzin z hamakoŭ i staŭ achviaraj vandałaŭ: jon užo parvany.
Bačačy takoje staŭleńnie da elemientaŭ dobraŭparadkavańnia, u rajonie pryniali rašeńnie prybrać z zony adpačynku hamaki, u tym liku acalełyja. Miescy dla ich raźviešvańnia zastanucca, tak što luby hość ekaściežki zmoža prynieści svoj hamak i adpačyć na im.
U. Lebiedź taksama dadaŭ, što budzie razhledžanaja mahčymaść ustanoŭki ŭ zonie adpačynku videanazirańnia, kab papiaredzić dalejšy vandalizm abo znajści i pryciahnuć da adkaznaści vinavatych, kali tut razburać niešta jašče.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary