«Dobraja reč MLRS». Zialenski paviedamiŭ pra źniščeńnie składa, ź jakoha bralisia rakiety dla bambavańnia Charkava
Prezident Ukrainy Uładzimir Zialenski u tradycyjnym viačernim zvarocie paviedamiŭ, što ŭkrainskija vajskoŭcy źniščyli skład z varožymi bojeprypasami, ź jakoha rasijanie brali rakiety S-300 dla ŭdaraŭ pa Charkavie.
Zialenski adznačyŭ, što USU «paśladoŭna, vielmi staranna i akuratna» źniščajuć składy, bazy, pierapravy i štaby akupantaŭ.
«Rasijskaja armija pryjšła na terytoryju Ukrainy, nie čakajučy supracivu. A ŭciače adsiul, nie majučy nijakaj inšaj nadziei na vyratavańnie», — padkreśliŭ prezident Ukrainy.
«Asabliva chaču padziakavać bajcam adnoj z našych reaktyŭnych artyleryjskich bryhad, jakija svaim dakładnym ahniom źniščyli mienavita toj rasijski skład, ź jakoha akupanty brali rakiety S-300 dla bambavańnia Charkava. Dobraja reč MLRS. Dziakuj, našy hieroi!» — skazaŭ Zialenski.
Taksama jon paabiacaŭ akupantam «abaviazkovy adkaz» za siońniašni rakietny ŭdar pa Kryvarožskamu rajonu, a taksama za pastajannyja abstreły Zielenadolska, Nikapala, Čarnihaŭskaj i Sumskaj abłaściej, Charkaŭščyny, haradoŭ Danbasa i ŭsioj terytoryi Ukrainy.
Čamu chobity žyvuć u biełaruskich vioskach, a elfy havorać starabiełaruskaj. Pierakładčyk «Vaładara Piarścionkaŭ» adkazvaje na ŭsie pytańni1
Kamientary