«Добрая рэч MLRS». Зяленскі паведаміў пра знішчэнне склада, з якога браліся ракеты для бамбавання Харкава
Прэзідэнт Украіны Уладзімір Зяленскі у традыцыйным вячэрнім звароце паведаміў, што ўкраінскія вайскоўцы знішчылі склад з варожымі боепрыпасамі, з якога расіяне бралі ракеты С-300 для ўдараў па Харкаве.
Зяленскі адзначыў, што УСУ «паслядоўна, вельмі старанна і акуратна» знішчаюць склады, базы, пераправы і штабы акупантаў.
«Расійская армія прыйшла на тэрыторыю Украіны, не чакаючы супраціву. А ўцячэ адсюль, не маючы ніякай іншай надзеі на выратаванне», — падкрэсліў прэзідэнт Украіны.
«Асабліва хачу падзякаваць байцам адной з нашых рэактыўных артылерыйскіх брыгад, якія сваім дакладным агнём знішчылі менавіта той расійскі склад, з якога акупанты бралі ракеты С-300 для бамбавання Харкава. Добрая рэч MLRS. Дзякуй, нашы героі!» — сказаў Зяленскі.
Таксама ён паабяцаў акупантам «абавязковы адказ» за сённяшні ракетны ўдар па Крыварожскаму раёну, а таксама за пастаянныя абстрэлы Зеленадольска, Нікапаля, Чарнігаўскай і Сумскай абласцей, Харкаўшчыны, гарадоў Данбаса і ўсёй тэрыторыі Украіны.
-
Кіеў увечары зноў быў пад атакамі, знікалі святло і вада. За дзень ва Украіне загінулі як мінімум 25 чалавек
-
Колькасць загінулых у Прылуках пад Чарнігавым вырасла да 14
-
Былы кіраўнік Google: Расія здаганяе Украіну ў вайсковых тэхналогіях, а рэсурсаў у яе нашмат больш. Галоўным выклікам будзе «Рассвет»
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары