Jakija tavary i brendy biełarusy čaściej za ŭsio šukali letam na internet-placoŭkach?
Placoŭka abjavaŭ «Kufar» praanalizavała 226 miljonaŭ zapytaŭ, jakija pakinuli biełarusy ŭletku.
Amal pałova sa śpisu najbolš papularnych zapytaŭ tyčycca adzieńnia, abutku i aksiesuaraŭ. Heta sukienki, sumki, basanožki, krasoŭki, kaściumy, kupalniki, zaplečniki, hadzińniki, kurtki, štany, tufli i topy.
Na druhim miescy ŭ śfiery intaresaŭ karystalnikaŭ u hety pieryjad — mebla i bytavaja technika: kanapa, chaładzilnik, stoł, šafa, łožak, kuchnia, televizar, kamoda.
Samymi papularnymi brendami leta stali iPhone, Zara, Nike i Adidas.
Taksama biełarusy šukali nieruchomaść — u top-30 pošukavych zapytaŭ trapili «kvatera» i «dom».
Najbolš papularnym aŭtamabilnym brendam troch letnich miesiacaŭ staŭ Audi. Čaściej za ŭsio mašyny i zapčastki hetaha niamieckaha vytvorcy šukali karystalniki z Bresckaj i Homielskaj abłaściej. Na druhim miescy — Volkswagen (pry hetym heta najbolš zapatrabavany aŭtabrend u Hrodzienskaj, Viciebskaj i Mahiloŭskaj vobłaści).
Intaresy karystalnikaŭ prykmietna mianialisia ad miesiaca da miesiaca. Tak, samym «lehkadumnym» staŭ červień. U pieršy miesiac leta biełarusy cikavilisia tavarami, jakija patrebnyja ŭ haračaje nadvorje i na adpačynku — rovarami, basanožkami, kupalnikami i šortami.
Ale čym bližej da vosieni, tym bolš «pryziemlenymi» stanavilisia zapyty. I ŭ vierchniaj častcy rejtynhu źjavilisia nieruchomaść (kvatera), mebla (kanapa, stoł), bujnahabarytnaja bytavaja technika (chaładzilnik), a taksama darahija hadžaty (iPhone).
Jak ciapier vyhladaje palitźniavoleny Ihar Łosik FOTA16
Kamientary